Video
Read full review
2021-10-04
1672 views
今餐慶祝紀念，無錢食好貴，每人$6百幾自然有點期待，而且我係睇完網紅介紹先來，點知中哂伏，係我食過”最少選擇”同”最細範圍”自助餐廳，我突登畫埋圖俾大家感受下有幾細，好多都食左一啖就放底，只係得凍龍蝦encore過。***海鮮區***當晚竟然無長腳蟹，我見好多人食過都有，伏左。生蠔超咸超瘦，拎一次收手。凍龍蝦正常。凍蝦正常。有螺、青口、小龍蝦但無食過。***魚生及壽司***魚生正常但擺放雜亂，我一點食物師父就好似街市佬叫我”等等”，明顯師父心情唔好。壽司有幾款但唔知擺左幾耐，無食。***熱食***數埋全場只係十碟多少少，而且感覺每碟都好霸位，好多都好唔吸引，蒸水蛋都一大盤。印度咖哩汁自己一碟，凍既。印度薄餅又自己一盤，仲要蓋住焗到林哂。食過泰式炒蝦，又係無人食焗到林哂。有一個蟲草唔知乜湯，正常。其他見到賣相都無食。***面食區***本人無食面，但佢有扇貝同蒸魚，要自己交Spoon等。扇貝來到係鞋口，食一隻放棄。蒸魚來到一樣係勁鞋口冰鮮拎去蒸果隻，一啖就放底。***片皮鴨***隻鴨味道正常，但就唔係片，又唔係斬料咁，亂切。但果塊餅皮出哂事，好似放入櫃擺好耐，乾到無哂水份，仲要口感好粉。*
每人$6百幾自然有點期待，而且我係睇完網紅介紹先來，
點知中哂伏，
係我食過”最少選擇”同”最細範圍”自助餐廳，
我突登畫埋圖俾大家感受下有幾細，
好多都食左一啖就放底，只係得凍龍蝦encore過。
***海鮮區***
當晚竟然無長腳蟹，我見好多人食過都有，伏左。
生蠔超咸超瘦，拎一次收手。
凍龍蝦正常。
凍蝦正常。
有螺、青口、小龍蝦但無食過。
***魚生及壽司***
魚生正常但擺放雜亂，我一點食物師父就好似街市佬叫我”等等”，明顯師父心情唔好。
壽司有幾款但唔知擺左幾耐，無食。
***熱食***
數埋全場只係十碟多少少，
而且感覺每碟都好霸位，
好多都好唔吸引，
蒸水蛋都一大盤。
印度咖哩汁自己一碟，凍既。
印度薄餅又自己一盤，仲要蓋住焗到林哂。
食過泰式炒蝦，又係無人食焗到林哂。
有一個蟲草唔知乜湯，正常。
其他見到賣相都無食。
***面食區***
本人無食面，
但佢有扇貝同蒸魚，要自己交Spoon等。
扇貝來到係鞋口，食一隻放棄。
蒸魚來到一樣係勁鞋口冰鮮拎去蒸果隻，一啖就放底。
***片皮鴨***
隻鴨味道正常，但就唔係片，又唔係斬料咁，亂切。
但果塊餅皮出哂事，好似放入櫃擺好耐，乾到無哂水份，仲要口感好粉。
***牛扒***
扒應該係3成左右，我叫師父幫我放串燒果邊燒多DD到5成就好食D，
感覺正常
***串燒***
選擇好少，等幾樣野如腸同雞翼，
浪費哂個大爐。
***乳豬***
呢樣好多人等，
但食左好咸，又係食左一件就放底。
***沙律吧***
我望下就無理過。
***茶水***
咖啡機一部，得expresso，double expresso同americano。
旁邊有兜奶唔知擺左幾耐室溫。
有凍檸茶同橙汁。
有熱水。
***甜品吧***
Haagen Dazs雪榚，但係佢”不”俾你果種，
有朱古力、Vanilla、菠蘿、士多啤梨、仲有D唔知咩味，但無咖啡味
呢類平價大桶雪榚超甜，你唔會食多杯。
有心太軟，食過一般，似濕左既蛋榚，無心。
焦糖燉蛋，完全係凍。
仲有幾款cake但無食。
------------------------------
整體來講，
100分只得30分。
選擇少都算，連整體味道都唔合格，
睇食物質素感覺餐廳無誠意去看待客人，
好多人都明顯對外面食物提不起興趣，望下又返埋位坐，
比起好多酒店Lunch Buffet更差，
甚至令我諗起以前九龍諾富特Novotel $2百幾既Dinner Buffet，
早知平平地食如心酒店算，至少都有70分。
都有優點既，
就係侍應同經理態度好，收碟收得快。
Other Info. :
勁少選擇，範圍超細
(The above review is the personal opinion of a user which does not represent OpenRice's point of view.)
Post
