Video
Read full review
2008-11-26
30 views
稻香打邊邊，"星期日九點後九折"；我男朋友係超鐘意打邊邊的，而咁arm我地都係八點打後先收得工之人 (死到去稻香都起碼九點啦)，所以我地上個冬天間唔時都會黎過下打邊邊癮。今次係呢次入秋以來第一次.....隔左成年，其實我唔太記得佢舊年咩價，但.....好似都差唔多，星期日至四，d餸分三個level: $12, $18, $28咁啦，而家再九折，好似再抵d。不過，有d上個冬天有既好荀既餸就冇左。例如我好記得舊年係12蚊一餸海蝦，而家就要廿八蚊；但係，有d其他野抵返，有個$8美國肥牛，同埋$16半隻雞的醉雞湯底....呢個醉雞湯底真係好好！我Highly Recommend. even你唔食佢d雞都好...因為雞係另上的，但湯底本身都有d藥材呀咁，齋計個湯底，已經好抵。加上佢d雞都算係幾滑，我好欣賞。然後叫餸啦：1. 芝心墨魚丸 ($18) - 根據個形狀，d墨魚應該係鮮打出來的，但冇乜鮮味，以前好食d的，差左；個芝心應該只係一小塊片裝芝士，個口又收得唔好，總係會漏出黎..不過係抵lor, 一碟有成12粒架。2. 美國肥牛 ($8) - 一碟約有7-8片度。雖然唔係d超好味的牛肉，但都算
今次係呢次入秋以來第一次.....隔左成年，其實我唔太記得佢舊年咩價，但.....好似都差唔多，星期日至四，d餸分三個level: $12, $18, $28咁啦，而家再九折，好似再抵d。
不過，有d上個冬天有既好荀既餸就冇左。例如我好記得舊年係12蚊一餸海蝦，而家就要廿八蚊；但係，有d其他野抵返，有個$8美國肥牛，同埋$16半隻雞的醉雞湯底....
呢個醉雞湯底真係好好！我Highly Recommend. even你唔食佢d雞都好...因為雞係另上的，但湯底本身都有d藥材呀咁，齋計個湯底，已經好抵。加上佢d雞都算係幾滑，我好欣賞。
然後叫餸啦：
1. 芝心墨魚丸 ($18) - 根據個形狀，d墨魚應該係鮮打出來的，但冇乜鮮味，以前好食d的，差左；個芝心應該只係一小塊片裝芝士，個口又收得唔好，總係會漏出黎..不過係抵lor, 一碟有成12粒架。
2. 美國肥牛 ($8) - 一碟約有7-8片度。雖然唔係d超好味的牛肉，但都算係咁，有牛既鮮味，不過筋稍多左少少，略嫌唔夠嫩...不過以8蚊黎講，算超班。
3. 竹笙($18) - 一般貨色，不過不失。
4. 魚皮餃+菜肉餃+韮菜餃($18) - 每樣四粒，共12粒...不過我懷疑佢俾錯左雲吞而唔係菜肉餃俾我地...之但係我唔mind架. (我見佢個雲吞+魚皮餃+水餃要成$28蚊先冇叫之ma...嘿嘿...) 又係不過不失啦，係幾新鮮的；雲吞入面d蝦幾爽，不過冇乜蝦味；魚皮餃起碼都算係新鮮整，好味過凍肉舖果d好多lu....
5. 炸x竹 - ($18) 係！我係食完都唔記得個名...總之係佢張有埋圖果張紙度，有d類似枝竹但一圈圈咁的...幾好味！
6. 炸魚皮 - ($12) 放響湯度泡一陣再食，好味！
7. 蜂窩豆腐 ($18) - 佢真係直接響冰格拿出黎咁.....除左影響到個湯底的鮮味外，整體黎講ok的。
8. 唐蒿($12) + 生菜 ($12) - D菜新鮮lor....但唐蒿冇味既。
整體黎講，稻香既火鍋配料碟碟都算大碟，冇欺場 (叫餸時記得要留手，我地低估左佢個份量，結果食淨好多野，好浪費！)；個質素就係剛剛合格果種，冇乜驚喜，但又冇乜驚嚇咁。
佢地d侍應會勁sell 你d海鮮的；一來，我見佢地其他食物咁一般，我唔sure佢d海鮮得唔得；但更重要既係：觀乎佢點對鍋湯 (例如蜂窩豆腐未解凍都可以送黎呀，叫佢加湯佢加水呀咁) ，其實響呢度食海鮮，好似有d浪費。呢度既然咁平，食平野會比較開心d。
所以，我會覺得稻香係，ok，你好鐘意打邊邊，但又唔想下下食到至少每人百零二百蚊落樓的話，咁你間唔鐘可以去過下癮咁，呢度真係抵到呢....我地已經係叫多左野食，有好多野食唔晒，都只係每人$90....。之但係，如果你打邊爐的癮唔係咁強，咁我真係好建議你慳返食稻香既錢，去d質素好返些少既地方食好過....
仲有，有樣唔好既係：我估稻香佢而家d職員個佣金比例幾重，個個(不過傳菜、侍應定部長)行黎，都會同你sell野，唔係sell海鮮，就係sell野飲；雖然佢都算識do, 唔係響你食野時打攪你，但例如我坐都未坐好，已經有個人走黎sell野飲比我，仲要係詞不達意果隻 (即係同一句句子要係咁repeat人地先應得明果種)，就有d令人感到厭煩lor......
Post
