丼瀛 (Closed)

老公又帶我食日本嘢，心諗呢排成日食有咩咁特別啫，仲要山長水遠入觀塘🤧入到去坐低，老公話由佢發板，佢準備叫啲好有特式嘅嘢俾我試。頭盤係溫室蕃茄豆腐沙律配胡麻醬，成盤都係我鍾意嘅嘢😆啲菜咬落去「索索聲」架！豆腐又夠晒滑嫩～加埋胡麻醬一齊食個味道剛剛好～我真係好鍾意食明太子！老公居然識點明太子炒翠玉瓜，呢味餸就真係冇食過，估唔到個味道又幾夾！明太子有少許辣，雖然用大量嘅明太子淋上翠玉瓜上面，但一啲都唔會覺得咸！清清地仲可以一解炸物嘅油膩感添～接住落嚟就係雜錦天婦羅～入面有冬菇、紫心番薯、炸蝦、茄子，雖然係炸物但一啲都唔覺得食完會膩，可能因為炸粉夠薄👍🏻我哋上次食完甲羅燒太難忘，所以老公今次再叫甲羅燒松葉蟹肉丼翻啅！呢碗丼飯入面有蟹膏又有蟹肉，仲有蟹籽，濃郁嘅蟹味仲充斥住成個口腔，超鍾意呢個蟹肉丼呀！！！！跟住到令人驚豔嘅串炸摩天輪出場！呢個摩天輪一上枱，隔離枱嘅食客就望晒過嚟😆唔同嘅籃放咗唔同嘅炸物，有炸蠔、炸芝士、炸豆腐（入面居然有蟹籽）、炸雞粒、炸餃子、炸紫薯餅（入面仲要有栗子粒）！最鍾意係炸紫薯餅，蕃薯好甜好香，直頭可以留嚟做甜品！