瀛本壽司 (Closed)

朋友介紹呢間日本料理試過話好, 我本來半信半疑, 因為店名未聽過, 而且座落新蒲崗, 不過幾個朋友都話試, 所以我地5人晚上9時到達, 店舖不大, 大約有30-40個座位, 不過無位, 我地大約得等了10分鐘才可進舖, 食日本料理簡直係我地至愛, 我地亦好嘴鵰, 首先來了個小食{明太子}, 真係好爽口,因為我通常都去大型連所壽司店食日本野，呢個小食我覺得較為特別，之後我地點了一個雜錦刺身，其中吞拿魚腩及章紅魚刺身尤其有水準，好有口感，應該是用了一些靚貨做刺身吧！海膽壽司亦是我想推介既食物之一，因為好多壽司店食海膽都會有腥味，而呢間食店就好新鮮。熟食方面，我地叫了焗蠔同燒墨魚，味道都唔錯，呢間舖都有幾多特別野食，焗蠔便是其中一樣！最後我想讚的一定係員工既服務態度, 真係好好, 好好笑容。