蚊蚊豬老火鍋 (Closed)

去完附近買電腦後，難得來到深水埗，見到「蚊蚊豬老火鍋」任食放題非常抵，每位只係$298加一，而且有位唔使排隊，我們就決定入內醫肚！全店用QR Code點餐，我們先揀選火鍋湯底，由於大家都怕辣，所以就點了藥膳鮮雞鍋！除了火鍋，店內有不少四川前菜小食，例如炸魚皮、皮蛋等，不過由於太辣頂唔順（朋友話係小辣only），所以我就留肚食其他好嘢！店舖環境較迫，但基本的選擇和需要應有盡有！開餐前，我們先揀醬料，蒜蓉控的朋友撈了成碟蒜蓉呢！😄話咁快，火鍋料很快就送到！每枱必有的極品牛皇拼盤，一盤有齊安格斯牛板腱、封門柳和牛肩嫩肉，三人同行都好夠食！最正係好有牛肉香，毫無冰鮮味，每片都咁正咁好味！另外，我們亦點了魚呀、丸呀、腸呀、菇呀、菜呀等火鍋料，不過佢哋每碟份量都比其他火鍋店的多，要量力而為唔好亂點呀！懶人唔想等，呢度仲有熟食揀呢！我們就少量地點了雞肉串、豬頸肉串、以及三文魚生和甜蝦，以免浪費！飲品選擇唔算多元化，有茶、汽水、啤酒和果汁，大路嘢，都啱胃口！最後歎埋個柚子雪糕，就真係要頂住個肚返屋企！