香江花月 (利舞臺廣場) (Closed)

打邊爐食得多，好似間間都差唔多，食到我都有啲悶，想搵啲新野試下，今次朋友介紹呢間香江花月為於利舞臺，位置極方便，四通八達。一入到黎已經被呢度既環境吸引左，裝修好靚，座位好闊落，呢度咁好嘅環境就可以好舒舒服服咁樣享受成餐飯。當然呢度嘅環境同埋佈置都係10分適合同朋友一齊嚟打卡，放咗一個充滿懷舊經典嘅摩托車我見到每個人嚟都係忍唔住瘋狂影相。我哋今次叫咗一個鴛鴦鍋，分別係沙嗲同埋清湯底，本身沙嗲嘅味道都唔會太濃大家可以放心食。我最鍾意嘅係中山脆骨腩，感覺上有啲似，但係佢係更加爽口彈牙，然後仲有特選牛肉（肉質還好），午餐肉粟米餃，蟹子墨魚丸（好食，新鮮彈牙）台灣鴨血，芝士腸，蔬菜。總括嚟講呢度嘅環境裝修都好靚，特別係適合同朋友或者同伴侶嚟呢度慶祝一啲紀念日子。