四合院 (Closed)

今日同朋友係灣仔搵嘢食，經過四合院，比佢門口嘅紅燈籠吸引住，再望到裡面枱枱都食緊一碟成碟都係好多辣椒嘅餸，見到都覺得好食，同朋友就決定喺依度開餐。先叫咗招牌菜式十三香麻辣虎蝦鍋，加咗土豆，牛栢葉同豬耳，本來想點中辣，但落單姐姐話小辣都已經好辣，比佢嚇一嚇即刻點返小辣，等咗一陣，成碟辣椒嘅虎蝦鍋有得食，香噴噴，同朋友即刻食咗隻虎蝦，好大隻，D肉又好彈牙，好好食，而且有9-10隻，剩係食蝦都飽晒。另外豬耳好脆，切到幼幼地，口感一流。牛栢葉嗦晒D辣汁，勁惹味。土豆朋友最鐘意，切到一片片薄薄地，炒得又淋淋地，又吸埋D麻辣汁，真係食唔停口，叫埋個白飯，送飯真係好正。不過我地就覺得唔夠辣，早D唔聽個落單姐姐講，點返中辣啦，一定覺得仲惹味。再叫咗東北名菜酸菜燉白肉，好大鍋，D菜切到一絲絲，白肉又好多，用D熱湯浸住，少少酸酸地，又唔會好油，清清地，都幾好食。我地剩係叫咗兩個餸，已經同朋友捧住個肚走，因為佢地份量真係好大，而且又好惹味，唔覺唔覺越食越開胃，食多咗都唔知。不過我同朋友都決定，要等冬天先再離，因為我地禽晚安排坐係室外，係無冷氣嘅，越食越覺得熱，雖然D嘢好好食，但都覺得等天氣涼D會舒服D。