野郎Stone (Closed)

牛排、全部都是牛排！一睇個餐牌，全部都係我至愛既牛排，眼睛立即發光！不過隨即又有啲傷腦筋，平時食牛扒，通常係只得西冷扒同肉眼扒嘅選擇，但野狼stone有好多不同部位嘅牛扒牛肉，真係有啲唔知點揀。咁我就叫咗一個骨付牛小排套餐，套餐嘅蜆肉麵豉湯、日本珍珠飯、沙律菜係無限添食嘅！正！不過我添咗沙律同湯咋！汽水啤酒就冇得添。牛排上枱時係放喺燒熱左嘅大石頭上，用佢嘅熱力繼續燒牛扒，切開嘅時候嗰塊牛扒仲係有啲紅，如果你覺得生，可以輕輕在塊石頭上再燒下，咁就會熟啲，可按自己喜好巳定。牛排嘅肉質鮮嫩，好有肉汁，而且牛味香濃，呢個價錢相當抵食。