悅知味中泰越風味融合菜

Open Now

Now Closed

我今日去探朋友，佢話屋企樓下有間唔錯嘅餐廳，睇睇餐牌，都有幾多款式，我地叫咗幾款試吓。沙嗲串燒我地點咗串燒牛，燒得都幾香，外面燒到焦焦地好香口，點埋佢地嘅沙嗲汁，好惹味。黃咖哩吉列豬排吉列豬排食落熱辣辣，外皮炸得好脆卜卜，但唔算太油膩，豬排嘅質地都好juicy,一d都唔鞋，點埋佢地嘅黃咖哩，好正，d咖哩好正宗。泰式香芋臘味砂煲飯上枱時咋咋聲，熱辣辣，打開煲蓋勁香芋頭同臘味香味，mix完d材料，一啖食落去，勁正，d飯吸收晒d臘味香味，食到最last仲有飯焦，勁正。泰式芒果涼粉呢碗糖水勁多西米，而芒果同涼粉嘅份量都幾多，唔算太甜，好味。芋頭紫米露暖粒粒嘅紫米露，食落好暖胃，d紫米好足料，加上椰奶，食落好滑，仲有大量芋頭，食到停唔到口。