味千拉麵 (ac5) (Closed)

數下手指，差唔多十年無食過味千拉麵，仲記得個時無咩日本拉麵店既時候，味千拉麵都算係拉麵中既名牌，細個都幾中意食架，不過依家一街都係正宗拉麵店，就已經好少再食。今次試地獄拉麵，見佢無問我要咩辣，加上自己以為味千都唔會太辣，所以就好放心咁食，點知入口比想像中辣好多，係好刺激個種辣，條脷好似著火咁。我平時都有食開辣，但呢隻辣無咩層次，就只係得個辣字，唔知係咪落左好多辣粉調較而成。不過辣辣下，其實都食左大半碗。舍豬肉好厚實，入口都幾香肉味，亦都唔會好油膩。之後加多個吉列炸蝦，粉好厚，隻蝦又細又無味，早知唔叫。