Chibee Chicken and Beer (Closed)

檸檬雪花炸雞($180)雖然最近食炸雞食到有啲膩，但朋友又好想食炸雞啤酒，算吧，就一於陪下佢。炸雞炸得酥脆，皮唔會好厚好硬，肉質尚算嫩滑，最好嘅係唔會覺得太膩！檸檬醬汁酸酸甜甜，大大減低了炸雞嘅油膩感，加上醬汁係另上，所以可以根據自己口味點適當份量嘅醬汁，又唔會浸到啲雞腍哂，好細心。陪隊鍋 ($220)材料有午餐肉、香腸、豬肉餃、金菇、拉麵等，份量足夠四至五人食。湯底唔會太鹹，食完都唔會話好口渴。韓宮年糕($128)好鐘意個年糕！入有有粉絲、蔬菜絲等配料，味道同平時食開嘅韓式牛肉炒粉絲好似，帶甜味，而且好入味。加上年糕非常煙韌彈牙，索哂啲醬汁真係一流！