Bunphant Coffee (Closed)

附近一帶好多嘢食，Bunphant Coffee全白嘅設計好搶眼，吸引咗我去試開心果特調奶 - 開心果味好香好出，又不失奶香，仲有陣香甜嘅椰汁味，唔止賣相同打卡一流，味道又好又有層次，高質花生醬奶蓋咖啡 - 花生醬味濃，咖啡亦香，冇諗過呢個配搭咁好飲，又特別開心果芝士蛋糕 - 口感順滑，開心果同芝士味同樣突出，唔會搶咗大家嘅味，又幾夾，而且喺其他地方未食過，好特別，絕對值得一試餐湯好香，口感順滑，加埋香草同奶油層次再提升青醬貝殼粉配香煎帶子 - 帶子煎到啱啱熟，一絲絲得嚟好滑，青醬貝殼粉感覺好清新好健康豬頸肉配冬陰功炒飯 - 豬頸肉爽脆香口，口感一流，飯用咗珍珠米，酸辣度調得啱啱好，加埋香草同香茅炒，味道好香好豐富芝士炸雞 - 大大份啖啖肉，皮脆肉滑，加埋邪惡嘅芝士，食得好滋味食物同飲品嘅選擇好多，特別係飲品，除咗各種經典嘅咖啡，仲有好多淨係喺Bunphant Coffee先見過嘅特飲，款款嘅賣相都勁吸引，打卡一流Bunphant Coffee以白色為主調，風格簡約，俾人一種好舒服嘅感覺，仲有個室外嘅位，感覺好chill，淨係環境同氣氛已經贏晒，加上店員親切有禮，絕對可以喺度嘆成個下晝