Video
Read full review
2022-06-24
552 views
2022年6月16日 星期四今日放工之後專登帶老婆去咗銅鑼灣食呢一間薩摩牛燒肉，除咗係新開張之外，亦見得到網上評價唔錯，值得一試我哋去到嘅時間大約係6點15分左右，所以只可以俾正價$588一個人，如果早15分鐘到嘅話就可以用到早鳥優惠$498唔駛等好耐就可以入座，入到去坐低之後先發現後面已經開始有人等位我哋食嘅呢一款薩摩牛饗宴套餐包晒全部170款食物，真係花多眼亂完全唔知食邊樣先，所以我哋決定先點左呢一個餐限定嘅食物，再點餐廳推薦嘅食物另外一坐低之後店員都有提到如果即時做會員嘅話可以送日本水果梳打添，不過由於當時點餐太忙，最後唔記得咗呢幾個薩摩牛嘅部位需要加錢先食到，因為屬於稀有部位，部位嘅名稱完全未聽過，所以好奇心驅使之下我哋點咗個腹脅肉黎食，都只係$38等待食物黎到既期間，我出咗去拎飲品，因為係全自助式，而且飲品係任飲，分別提供唔同嘅汽水、果汁同咖啡，大路嘅飲品都有，加上店員會持續清潔飲品吧，完全唔擔心有衛生問題，最後我要左蜂蜜雪梨茶，貪佢甜甜地，可以解除燒肉嘅油膩等咗大約幾分鐘，食物開始陸續送到，先來嘅就係我哋加錢要嘅薩摩牛腹脅肉，真係強烈推介，除咗肉味濃郁之外，仲一啲都唔韌，可
今日放工之後專登帶老婆去咗銅鑼灣食呢一間薩摩牛燒肉，除咗係新開張之外，亦見得到網上評價唔錯，值得一試
我哋去到嘅時間大約係6點15分左右，所以只可以俾正價$588一個人，如果早15分鐘到嘅話就可以用到早鳥優惠$498
唔駛等好耐就可以入座，入到去坐低之後先發現後面已經開始有人等位
我哋食嘅呢一款薩摩牛饗宴套餐包晒全部170款食物，真係花多眼亂完全唔知食邊樣先，所以我哋決定先點左呢一個餐限定嘅食物，再點餐廳推薦嘅食物
另外一坐低之後店員都有提到如果即時做會員嘅話可以送日本水果梳打添，不過由於當時點餐太忙，最後唔記得咗
呢幾個薩摩牛嘅部位需要加錢先食到，因為屬於稀有部位，部位嘅名稱完全未聽過，所以好奇心驅使之下我哋點咗個腹脅肉黎食，都只係$38
等待食物黎到既期間，我出咗去拎飲品，因為係全自助式，而且飲品係任飲，分別提供唔同嘅汽水、果汁同咖啡，大路嘅飲品都有，加上店員會持續清潔飲品吧，完全唔擔心有衛生問題，最後我要左蜂蜜雪梨茶，貪佢甜甜地，可以解除燒肉嘅油膩
薩摩牛腹脅肉
$38
11 views
0 likes
0 comments
等咗大約幾分鐘，食物開始陸續送到，先來嘅就係我哋加錢要嘅薩摩牛腹脅肉，真係強烈推介，除咗肉味濃郁之外，仲一啲都唔韌，可以媲美日本高級和牛
松露風味牛排
11 views
0 likes
0 comments
之後有松露風味牛扒，好大塊，脂肪分布平均，松露同牛排味道好夾
薩摩牛
6 views
0 likes
0 comments
再嚟有薩摩牛唔同嘅部位，分別係牛五花、里肌肉同涮涮燒，睇得到紋理好靚，燒一兩分鐘已經熟晒食得，油脂爆晒出嚟，唔會好乾身難咬，食到停唔到口
各類壽司
15 views
0 likes
0 comments
另外餐廳亦有提供壽司，雖然唔係餐廳重點推介，但一樣整得好用心，每一舊壽司都包含師傅既熱誠同心意，其中海膽壽司完全食唔到腥味，反而有海水既鮮味，而松葉蟹肉壽司更加冇諗到係燒肉餐廳食到，好有驚喜
和風玉子燒
7 views
0 likes
0 comments
小食方面，我哋有叫和風玉子燒，玉子燒燒得好厚身 ，一食落去就見到一層層係裡面，蛋燒得剛剛好，唔會過老，仲有少少蛋汁流出黎添
牛油魷魚燒
5 views
0 likes
0 comments
餐廳亦有提供海鮮，有牛油燒魷魚，魷魚加咗牛油一齊燒之後變得好香，而且本身魷魚好新鮮，食落夠爽口
黑糖慕絲同檸檬味果凍
3 views
0 likes
0 comments
最後甜品方面要左黑糖慕絲同檸檬味果凍，黑糖慕絲好幼滑，但係唔會太甜，而檸檬味果凍嘅酸味正好中和左燒肉嘅油膩，必定要食
好可惜時間只有100分鐘，唔可以試晒全部食物，如果加長時間嘅話會更加好
Post
