Video
Read full review
2020-09-06
452 views
2020年8月29日 星期六今日終於要招呼第一批朋友去我哋屋企玩，所以晨咁早我哋就落街買野，準備招呼朋友。買完野都差唔多晏晝時間，於是就決定買外賣返屋企食餐廳喺銅鑼灣嘅內街，雖然位置唔多顯眼，不過外表好有時尚感覺有午市套餐可以選擇，亦都可以散叫，主要係食西班牙菜入到去再詳細睇餐牌先發現原來食物種類好豐富，有好多食物都想揀，於是就決定豪一次，想食乜就叫乜，最多食唔晒就留返招呼朋友嘅時候再分享於是我哋兩個人一共叫咗五百幾蚊，俾完錢之後都好擔心食唔晒拎到返屋企打食物盒仍然發現食物仲暖暖地，每一款食物都有一個食物盒包住，而且醬汁仲有另外包好。呢一個係西班牙薯仔蛋餅，有好香嘅蛋味之餘，切開仲見到有一粒粒薯仔粒，加埋上面嘅芝士，簡直係絕配之後有鮮甜凍蝦配蒜蓉蛋黃醬，冇諗過蛋黃醬都可以配蒜蓉食，味道又幾夾。凍蝦好彈牙，而且有咬口，好可惜只有六隻呢個係炸黑毛豬火腿球，配蘋果蜜糖蛋黃醬，火腿球炸得好香口，咬落去有肉汁流出黎，點埋蛋黃醬會覺得冇咁油膩之後有炸蕃薯條，炸得脆身又唔多油，食落口都唔覺飽肚，好快就清晒跟住有西班牙海鮮飯，無諗過海鮮多到完全覆蓋晒飯上面，有幾款唔同類型嘅海鮮，所以下面嘅飯吸收晒海鮮
今日終於要招呼第一批朋友去我哋屋企玩，所以晨咁早我哋就落街買野，準備招呼朋友。
買完野都差唔多晏晝時間，於是就決定買外賣返屋企食
餐廳喺銅鑼灣嘅內街，雖然位置唔多顯眼，不過外表好有時尚感覺
有午市套餐可以選擇，亦都可以散叫，主要係食西班牙菜
入到去再詳細睇餐牌先發現原來食物種類好豐富，有好多食物都想揀，於是就決定豪一次，想食乜就叫乜，最多食唔晒就留返招呼朋友嘅時候再分享
於是我哋兩個人一共叫咗五百幾蚊，俾完錢之後都好擔心食唔晒
拎到返屋企打食物盒仍然發現食物仲暖暖地，每一款食物都有一個食物盒包住，而且醬汁仲有另外包好。呢一個係西班牙薯仔蛋餅，有好香嘅蛋味之餘，切開仲見到有一粒粒薯仔粒，加埋上面嘅芝士，簡直係絕配
之後有鮮甜凍蝦配蒜蓉蛋黃醬，冇諗過蛋黃醬都可以配蒜蓉食，味道又幾夾。凍蝦好彈牙，而且有咬口，好可惜只有六隻
呢個係炸黑毛豬火腿球，配蘋果蜜糖蛋黃醬，火腿球炸得好香口，咬落去有肉汁流出黎，點埋蛋黃醬會覺得冇咁油膩
之後有炸蕃薯條，炸得脆身又唔多油，食落口都唔覺飽肚，好快就清晒
跟住有西班牙海鮮飯，無諗過海鮮多到完全覆蓋晒飯上面，有幾款唔同類型嘅海鮮，所以下面嘅飯吸收晒海鮮嘅鮮味，加埋檸檬汁更加帶出海洋嘅味道。特別想讚下餐廳用咗西班牙紅蝦，蝦肉更加有咬口同彈牙，好食到停唔到口
最後仲有甜品，炸西班牙油條配朱古力醬，之前完全未試過呢一款食品，咬落去好鬆化，甜甜地，同一般嘅港式油條好唔同，值得一試
Post
