Video
Read full review
2021-10-25
100 views
有時開心或者唔開心都想食好啲，今日介紹呢間餐廳真係好高質，好享受嘅一餐，有種唔捨得結束嘅感覺，食完勁滿足☺️☺️佢嘅omakase真係好吸引，不過我哋又想食啲其他嘢，所以決定散叫。嚟得佳牛美酒，梗係少不免要點杯酒飲同埋食啲靚牛😍季節前菜拼盤，$78呢個一定要點呀，我見omakase 都有包嘅，三小碟前菜好吸引。一款係鮑魚，佢冇落好重味去煮，保留咗鮑魚嘅鮮，上面有啲納豆同類似啫喱嘅物體，食落咸咸地好特別。而我最鍾意嘅係沖繩生蠔，佢嘅蠔味好香好重，食完有餘香☺️北海道天使蝦刺身，$88呢個刺身本身加咗酸酸甜甜嘅汁，勁開胃，加埋簿切嘅洋蔥同蘿蔔，好好味，食再多都唔夠。炭燒西京銀雪魚，$198銀雪魚燒得好香呀😍層皮脆嘅，肉則非常嫩，油脂嘅香味令人垂涎三尺，配上自家製嘅白汁，好match，呢個真係好值得試。和牛稀有部位盛合，$498稀有部位盛合有4種唔同嘅部位，而且係唔同嘅牛，印象最深刻當然係日本M5牛三角肩，一啖咬落去，真係唔捨得吐落去，好正。澳洲和牛牛小排都好好味，香氣撲鼻。另外仲有牛胸腹，油脂味好香，同埋牛舌，口感爽嫩。清酒店員推薦咗一款清酒俾我哋，配牛同魚都好正，好易入口，好純，飲得出淡淡嘅米
有時開心或者唔開心都想食好啲，今日介紹呢間餐廳真係好高質，好享受嘅一餐，有種唔捨得結束嘅感覺，食完勁滿足☺️☺️
佢嘅omakase真係好吸引，不過我哋又想食啲其他嘢，所以決定散叫。嚟得佳牛美酒，梗係少不免要點杯酒飲同埋食啲靚牛😍
季節前菜拼盤，$78
呢個一定要點呀，我見omakase 都有包嘅，三小碟前菜好吸引。一款係鮑魚，佢冇落好重味去煮，保留咗鮑魚嘅鮮，上面有啲納豆同類似啫喱嘅物體，食落咸咸地好特別。而我最鍾意嘅係沖繩生蠔，佢嘅蠔味好香好重，食完有餘香☺️
北海道天使蝦刺身，$88
呢個刺身本身加咗酸酸甜甜嘅汁，勁開胃，加埋簿切嘅洋蔥同蘿蔔，好好味，食再多都唔夠。
炭燒西京銀雪魚，$198
銀雪魚燒得好香呀😍層皮脆嘅，肉則非常嫩，油脂嘅香味令人垂涎三尺，配上自家製嘅白汁，好match，呢個真係好值得試。
和牛稀有部位盛合，$498
稀有部位盛合有4種唔同嘅部位，而且係唔同嘅牛，印象最深刻當然係日本M5牛三角肩，一啖咬落去，真係唔捨得吐落去，好正。澳洲和牛牛小排都好好味，香氣撲鼻。另外仲有牛胸腹，油脂味好香，同埋牛舌，口感爽嫩。
清酒
店員推薦咗一款清酒俾我哋，配牛同魚都好正，好易入口，好純，飲得出淡淡嘅米味，好香，一啖一杯都冇問題。果然係佳牛美酒，真係好滿意。
食完最後有個雪糕做甜品，竟然係薑味雪糕，真係好正呀，食完真係好想問店員可唔可以要多份🤣🤫勁享受嘅一餐飯，環境舒服，服務又勁好，飲完杯酒會主動幫我加，每碟菜上嚟只要我問，佢都會詳細介紹，感覺受到重視，以後一定會再去😌
Post
