Video
Read full review
2022-06-06
146 views
繁忙星期一，忙裏偷閑，搵住奧運嘅朋友傾下偈。🪑餐廳樓底高，好闊落，有好多梳化位，播歌唔會太大聲，非常適合摸酒杯底傾偈。💁🏻♂️服務：一流，主動斟水、換碟，燉雜菜食到一半發現無辣肉腸，竟然二話不說換一碟新嘅，非常有膊頭👍🐷日本流心蛋配黑毛豬火腿 $138黑毛豬火腿非常咸香，配完全無蛋腥味嘅日本蛋，以及香滑嘅薯蓉，係不錯嘅小食。🍊烤西班牙黑豚豬腩肉配秘制西班牙香橙汁 $248擺盤好靚，食材亦好豐富，有一小碗充滿黑松露香嘅幼滑薯蓉，一堆色彩繽紛嘅炒雜菜，四塊工整嘅烤豬腩肉，連醬汁都有香橙汁和芥末兩種。豬腩肉有好幾層，食落不算太香口，但出乎意料唔油膩。香橙汁完全唔酸，有淡淡橙嘅甜香，幾特別。🍅西班牙辣肉腸雜豆燉雜菜 $128呢個燉雜菜比較似半燉半炒，蔬菜種類好多，有椰菜花、西蘭花苗、三色椒、鷹嘴豆、腰豆等等，類似蕃茄醬嘅醬汁均勻沾喺蔬菜上面，食落一啲都唔寡。辣肉腸真係有啲辣，咸鮮，愈𡁻愈好食。總括而言，非常好坐，適合同朋友慢慢傾偈。📍Cocina 3 Tapas Restaurant & Bar (大角咀)大角咀海泓道1號奧海城三期地下G22號舖
🪑餐廳樓底高，好闊落，有好多梳化位，播歌唔會太大聲，非常適合摸酒杯底傾偈。
💁🏻♂️服務：一流，主動斟水、換碟，燉雜菜食到一半發現無辣肉腸，竟然二話不說換一碟新嘅，非常有膊頭👍
🐷日本流心蛋配黑毛豬火腿 $138
黑毛豬火腿非常咸香，配完全無蛋腥味嘅日本蛋，以及香滑嘅薯蓉，係不錯嘅小食。
🍊烤西班牙黑豚豬腩肉配秘制西班牙香橙汁 $248
擺盤好靚，食材亦好豐富，有一小碗充滿黑松露香嘅幼滑薯蓉，一堆色彩繽紛嘅炒雜菜，四塊工整嘅烤豬腩肉，連醬汁都有香橙汁和芥末兩種。
豬腩肉有好幾層，食落不算太香口，但出乎意料唔油膩。香橙汁完全唔酸，有淡淡橙嘅甜香，幾特別。
🍅西班牙辣肉腸雜豆燉雜菜 $128
呢個燉雜菜比較似半燉半炒，蔬菜種類好多，有椰菜花、西蘭花苗、三色椒、鷹嘴豆、腰豆等等，類似蕃茄醬嘅醬汁均勻沾喺蔬菜上面，食落一啲都唔寡。辣肉腸真係有啲辣，咸鮮，愈𡁻愈好食。
總括而言，非常好坐，適合同朋友慢慢傾偈。
📍Cocina 3 Tapas Restaurant & Bar (大角咀)
大角咀海泓道1號奧海城三期地下G22號舖
Post
