Video
Read full review
2023-05-21
356 views
「蘭芳園」係本地人或者旅客嘅心目中，一直都係地道香港茶餐廳嘅代表，係香港更加可以話係無人不知、無人不曉。但係，由於每次經過蘭芳園都會看到一圈又一圈排嘅人龍，所以我幾乎每次都同佢失之交臂。前幾日因為工作嘅原因我要去尖沙咀一趟，由於當時落梗雨，而且已經下午4點幾，我猜測呢個時候排隊等蘭芳園嘅人應該唔會太多，所以我決定去重慶大廈一趟，碰下運氣。結果，我估啱咗，當時的蘭芳園只有95%嘅入座率（好難得），啱啱好仲有一個位，所以我唔使排隊就可以食到呢間茶餐廳。嚟到蘭芳園，一定要叫嘅肯定係佢哋嘅絲襪奶茶。點解叫絲襪奶茶呢？唔好諗錯。唔係用絲襪沖嘅奶茶呀。絲襪奶茶之所以有呢個名，係因為沖調奶茶時，師傅會將沸水倒入裝有茶葉嘅過濾袋（通常由棉紗網組成），並上下拉動濾袋以加速茶水濾出，而棉紗網經過紅茶浸泡後，棉紗濾袋嘅顏色會被染成咖啡色，顏色都同尼龍絲襪接近，而且濾袋嘅外觀都同絲襪相似。呢種特別嘅沖調方法可令茶葉得到充分嘅萃取，從而提升茶水嘅濃度及茶香，又可避免茶水長時間浸泡茶葉而過於苦澀，令到奶茶最終入口細滑延綿。而首創呢種衝奶茶方法嘅，正係蘭芳園嘅創辦人林木河先生。時至今日，絲襪奶茶又被稱港式奶茶，已成
前幾日因為工作嘅原因我要去尖沙咀一趟，由於當時落梗雨，而且已經下午4點幾，我猜測呢個時候排隊等蘭芳園嘅人應該唔會太多，所以我決定去重慶大廈一趟，碰下運氣。
結果，我估啱咗，當時的蘭芳園只有95%嘅入座率（好難得），啱啱好仲有一個位，所以我唔使排隊就可以食到呢間茶餐廳。
嚟到蘭芳園，一定要叫嘅肯定係佢哋嘅絲襪奶茶。點解叫絲襪奶茶呢？唔好諗錯。唔係用絲襪沖嘅奶茶呀。絲襪奶茶之所以有呢個名，係因為沖調奶茶時，師傅會將沸水倒入裝有茶葉嘅過濾袋（通常由棉紗網組成），並上下拉動濾袋以加速茶水濾出，而棉紗網經過紅茶浸泡後，棉紗濾袋嘅顏色會被染成咖啡色，顏色都同尼龍絲襪接近，而且濾袋嘅外觀都同絲襪相似。
呢種特別嘅沖調方法可令茶葉得到充分嘅萃取，從而提升茶水嘅濃度及茶香，又可避免茶水長時間浸泡茶葉而過於苦澀，令到奶茶最終入口細滑延綿。而首創呢種衝奶茶方法嘅，正係蘭芳園嘅創辦人林木河先生。時至今日，絲襪奶茶又被稱港式奶茶，已成為香港的非物質文化遺產了。
除此之外，撈丁都係由蘭芳園首創，所以我今都點咗蔥油雞扒撈丁。撈丁全稱係撈出前一丁，將煮軟後再瀝乾嘅出前一丁面拌（撈）以湯粉及醬汁，再配以不同食品，例如雞翼、五香肉丁同埋煎蛋等。
食完呢兩樣蘭芳園嘅名菜之後，店員仲同我推介咗佢哋嘅西多士，我見到隔離檯嘅小朋友食得津津有味，都決定試一下。西多士係港式茶餐廳嘅必點名物，源於歐洲法式土司，但與之不同嘅係港式嘅麵包不是輕煎，而是油炸至金黃香脆的，再於炸到金黃色嘅麵包上加上牛油或蜂蜜等調料。蘭芳園嘅西多士外脆內軟，將香同甜無縫融合，甚是美味。
蘭芳園呢間港式茶餐廳嘅代表，果然名不虛傳。
27 views
0 likes
0 comments
Post
