SeaFront (Closed)

難得一日weekday off，專程到赤柱享受一下悠閒。正值下午茶時間行過赤柱大街，一位伯伯好有誠意咁介紹，即管入去試下啦，入到去order左普普通通fish and chips跟杯齋啡(因為我唔飲啤酒的)，等候期間有超過六隻烏蠅係我面前飛來飛去，我唯有叫調位到門口。食物方面，薯條味道同厚度適中，炸魚勝在夠厚身，肉質可以接受但偏油。至於杯咖啡....始終唔係coffee shop，算吧啦，叫做合格囉，因為唔多夠味。所以呢，嚟得呢度俾呢個價錢，純粹食面前個景，值唔值，見仁見智啦。