好炒得 (Closed)

聲明：真.勉強OK一直掙扎寫唔寫呢編食寫，因為我覺得佢係。。。唔炒得，但見到佢都有啲正皮，唔知係我黑仔點錯餸，主廚放假，還是。。。結果，隔咗成個月。。。吊針雞：好得意呀！侍應話可以枱邊煮，但會耐過廚房用大爐煮，明喇！明喇！即係叫我哋唔好喺枱邊煮。呢隻模特兒雞就紅喇，枱枱都衝着吊針雞來，次次都係呢隻模特兒雞出來影相。終於等到碟熟嘅，又唔好味，又唔滑。至於侍應講到好勁嘅師公骨，味道好普通，而且細份。蔥爆牛肉應該香口喇卦，唔係囉～呢碟唔記得咩就OK。蒸勝瓜都係普普通通，no comment。其實仲叫咗佛跳牆，已經無哂衝勁影相，唔好味，無材料味，連紀子同金華火腿味都無，佛都有火就有份。