Video
Read full review
2011-08-30
22 views
剛剛幫襯完港式小食店 <食個味> ，走去隔離新開嘅 <kiss n' joy>！ 夠哂就腳！呢度專賣雪糕、乳酪及飲品，但係飲品暫時未有得供應，現時只有雪糕、乳酪。雪糕有兩款口味：日本純抹茶 $32 & 極級黑朱古力 $34；轉大杯裝 +$6 ( 可選兩款配料 )乳酪有兩款口味：北海道原味乳酪 $28 & 草莓鮮粒乳酪 $30 ；轉大杯裝 +$5 ( 可選兩款配料 )小小店子相當骨子，見到門面企理，衛生程度好！ 裝修以白色為主調，簡潔光猛！配合一些青色圖案，為店子增添一點色彩！最驚奇的是有綠色紅色射燈，不停轉圖案， 仲有電視播放住 music MTV ，幾有動感！ 又可能我少幫襯乳酪店，少見多怪啦！ 我尚未決定買邊樣之際，一位靚女店員先遞上杯北海道原味乳酪試食， 乳酪質感較稀，味道不是太甜微酸，得知混入低脂乳酪粉，加上聲稱唔加水、唔加奶油、唔加雞旦，係低糖低脂產品，感覺較健康！之後，又遞上杯草莓鮮粒乳酪試食，兩者比較之下，我最終決定買草莓鮮粒乳酪！配料：有水果、其他：包括-玄米粒、麥提莎碎、杏仁片、爆爆珠、蜜糖星星.....要揀兩款配料，真有點心大心細！
呢度專賣雪糕、乳酪及飲品，但係飲品暫時未有得供應，現時只有雪糕、乳酪。雪糕有兩款口味：日本純抹茶 $32 & 極級黑朱古力 $34；轉大杯裝 +$6 ( 可選兩款配料 )
乳酪有兩款口味：北海道原味乳酪 $28 & 草莓鮮粒乳酪 $30 ；轉大杯裝 +$5 ( 可選兩款配料 )
小小店子相當骨子，見到門面企理，衛生程度好！ 裝修以白色為主調，簡潔光猛！配合一些青色圖案，為店子增添一點色彩！最驚奇的是有綠色紅色射燈，不停轉圖案， 仲有電視播放住 music MTV ，幾有動感！ 又可能我少幫襯乳酪店，少見多怪啦！
我尚未決定買邊樣之際，一位靚女店員先遞上杯北海道原味乳酪試食， 乳酪質感較稀，味道不是太甜微酸，得知混入低脂乳酪粉，加上聲稱唔加水、唔加奶油、唔加雞旦，係低糖低脂產品，感覺較健康！之後，又遞上杯草莓鮮粒乳酪試食，兩者比較之下，我最終決定買草莓鮮粒乳酪！
配料：有水果、其他：包括-玄米粒、麥提莎碎、杏仁片、爆爆珠、蜜糖星星.....
要揀兩款配料，真有點心大心細！ 所以，唯有問她意見！邊樣特別、有口感.......左問右問，她依然面帶笑容，服務態度值得一讚！
草莓鮮粒乳酪 $30 轉大杯裝 +$5 ( 可選兩款配料 - 純抹茶自家麻糬 & 大水晶珠 ) 老闆加料-胚芽草莓鮮粒乳酪質感同樣較稀，味道比較原味乳酪甜，微酸帶甜！容易入口！質感軟滑！ 頓時有股冰涼感覺！間中食到一、兩粒冰粒，進食期間，見到送貨，原來用上「牛奶公司」貨色乳酪！ Oh! 明白！混入北海道3.6牛乳，奶味較濃！加上士多啤梨粒，顏色粉紅，幾吸引！ 至於，配料：純抹茶自家麻糬，有 6~7 粒，賣相麻麻地，好似粒泥膠！哈哈！ 完全無加糖，純正抹茶味；如果，加糖相信會好味啲！麻糬正放喺乳酪中間，估計可讓草莓乳酪味道滲入其中，煙韌有咬感。大水晶珠透明唔似西米、又唔同爆爆珠嘅口感，淡味！爽身絕不煙韌。不過，幾特別有特色！ 老闆加送胚芽，多謝哂！ 胚芽食起嚟有麥香！很乾身，所以混合乳酪一起食，是絕配！亦係健康配料之選！
整體算是滋味！同時又可幫助消化！
雖然，雪糕及乳酪款式少！但係，部份自家製配料較有特色及特別！組合起來感覺清新！並以北海道3.6牛乳做乳酪，不惜公本！ Post
