齋啡 (Closed)

🐮揀左和風牛油果吞拿魚配手工製Bagel 一睇到咁豐富餡料嘅Bagel Sandwich 唔係🐮個口夠大都未必會一啖咬得晒🤣Bagel咬落唔會好淋👌🏻和風汁配合生菜、羽衣甘藍、蕃茄、青瓜食落口清新 覺得今餐好健康Haha！牛油果加埋素吞拿魚 食落嘅口感同味道 的確有啲似食緊魚生！呢個Bagel整體配合得唔錯 我哋覺得如果配墨西哥卷可能仲夾😋-🐷就揀左豬柳同芝士配純素墨西哥卷之前對啲新豬肉製品冇乜興趣 因為食過新餐肉係覺得唔好食！呢個素豬柳有改觀 食落味道似真豬柳 加埋芝士份量多 配合他他醬係幾好食！反而呢個如果配Bagel會更正😋-是日純素蛋糕有伯爵茶同紅絲絨！而我揀咗伯爵茶 純素蛋糕第一次食 食落口感濕潤同實啲 唔似一般蛋糕乾身！伯爵茶味較為淡 忌廉個人覺得多咗啲 較為搶咗伯爵茶味！但蛋糕唔太甜 整體都唔錯👌🏻-另一款揀藍莓撻 撻底焗得唔差 食落鬆脆👍🏻忌廉又唔算太過膩 同埋都放得好多藍苺係上面！-飲品我選擇店員推介嘅焦糖木炭拿鐵！其中之一原因係我中意黑色🖤起初以為有焦糖嘅會甜到漏 但呢杯真係唔會好甜 雖然非咖啡飲品 不過幾中意🖤🐮兩點後就唔飲☕️所以要咗菠蘿梳打！菠蘿味重 再多啲薄荷