Video
Read full review
2017-10-27
3398 views
星期四晚揸車上左去沙田茵食個晚餐，對上一次上去已經係十多年前，已經無印象果時食乜野同邊個去食 (淨係記得果度好多蚊)。七點半天已黑齊，呢度有六至七個停車位，泊低車行入去，D記憶即刻番哂黎，呢度全間都係茶座，同女人坐低才驚覺成間茶座都無客，望入去收銀處，響枯黃色燈光下只見到一個婆婆坐響度睇緊電視 (唔知以為講緊鬼故)。驚覺包場一分鐘後先見到枱面上有個餐牌，順手拎起既一刻，突然有位女仕響收銀枱隔離個拱門度行出黎招呼我地，再睇睇餐牌，其實佢食物種類唔多，所以唔駛點諗就叫左份春卷做頭盤($40)，炭燒羊肉串半份($80五串)，椰子咖喱汁燒雞($95)，叫完就坐定定等食。等食其間，女人話見到有個影響我架車後面，心諗中秋都過埋仲咁猛 ? 畢竟自己架車，行埋去睇下啦，唔行由自可，一企起身就有隻馬騮響車黎面條籬笆彈出黎，唔知我嚇佢定佢嚇我，佢望住我"嘰"左一聲之後就向樹林方向逃走左。驚魂未定都係坐番低唔好周圍行等食算，點知今次到我黎料，斜望埋去亞婆坐果便近門口張枱，做乜個紙箱後面有舊黑色野郁下郁下既 ? 心中仲盤算緊如果係老鼠咁呢餐仲食唔食之際，果舊黑色物體施施然行去紙箱前面，一望，嘩，原來係一隻好得
七點半天已黑齊，呢度有六至七個停車位，泊低車行入去，D記憶即刻番哂黎，呢度全間都係茶座，同女人坐低才驚覺成間茶座都無客，望入去收銀處，響枯黃色燈光下只見到一個婆婆坐響度睇緊電視 (唔知以為講緊鬼故)。
驚覺包場一分鐘後先見到枱面上有個餐牌，順手拎起既一刻，突然有位女仕響收銀枱隔離個拱門度行出黎招呼我地，再睇睇餐牌，其實佢食物種類唔多，所以唔駛點諗就叫左份春卷做頭盤($40)，炭燒羊肉串半份($80五串)，椰子咖喱汁燒雞($95)，叫完就坐定定等食。
等食其間，女人話見到有個影響我架車後面，心諗中秋都過埋仲咁猛 ? 畢竟自己架車，行埋去睇下啦，唔行由自可，一企起身就有隻馬騮響車黎面條籬笆彈出黎，唔知我嚇佢定佢嚇我，佢望住我"嘰"左一聲之後就向樹林方向逃走左。
驚魂未定都係坐番低唔好周圍行等食算，點知今次到我黎料，斜望埋去亞婆坐果便近門口張枱，做乜個紙箱後面有舊黑色野郁下郁下既 ? 心中仲盤算緊如果係老鼠咁呢餐仲食唔食之際，果舊黑色物體施施然行去紙箱前面，一望，嘩，原來係一隻好得意既天竺鼠，跟住落單果位女仕仲拎左粒青瓜俾佢刨，咁既情況就梗係同女人行埋去睇下同影相啦 !
同店員傾左兩句先知佢係澳洲品種，全身有黑白啡三隻顏色，非常可愛。於影相同傾計期間，食物已不知不覺地上桌(原來舖頭仲有一個男侍應同一個廚子)，於是就坐番埋位用膳。
炭燒羊肉串，完全無落過孜然粉(最唔喜歡食孜然粉)，羊肉無羶味(我最喜歡食羶味)，所以味道唔算突出，反而連炭燒爐上桌風味就一流(記得不時轉下串肉，唔係會燒燶一邊)。
春卷，即叫即炸，夠熱，無油抑味，一食就知唔係萬年油。
椰子咖喱汁燒雞跟白飯，咖喱唔辣，有椰香味，燒雞竟然唔鞋，以冰鮮雞既情況黎睇，雞應該係一開工就響雪櫃拎出黎，用最自然既方法解凍，只不過係汁同飯既份量比較少，唔係好夠喉，而飯亦比較稔，用番少D水黎煮會好DD。
埋單連加一$231，包場又有得動物大觀園，總括黎講係性價比之選。
Post
