手卷駅

Open Now

Now Closed

餐廳是新開的，只有8個座位，見到剛剛有位就去試下，叫左便當，諗住唔夠再加野，便當有個主食係飯或冷面或沙律，再有小食同小卷三件自選壽司。個便當望落去份量都唔少，女仔一定夠食，男仔可能要叫多啲野啦，壽司水準不錯，用料比一般細壽司店既好少少，芥辣八爪壽司都好足料，螺肉小食份量都算多，個飯係形珠米，雖然帆立貝size細咗少少，但係個味道都唔差配埋啲日式燒汁都幾惹咪，朋友過個鏝魚都唔錯呀。之後仲加左赤貝壽司同原隻軟殼蟹手卷，軟殼蟹雖然細咗少少但係真係食到係成隻原來係起個手卷入面,個赤貝好正，好鮮。可能新開張關係，啲員工態度都好好，原本啲嘢食係要自己拎嘅，但係佢會主動幫我地拎埋位，不過個缺點就係嗰便都係冇嘢飲嘅，所以如果要嘢飲就要另外自己買啦。