Moreish & Malt (鴻圖道) (Closed)

啱啱呢度開嗰陣時候就記得同班同事過嚟食過，係因為某一個同事生日。都有八至10個人，跟住平均嘅消費都要差唔多＄200，味道記得唔係話真係十分之好，所以就冇再嚟食。今次亦都係因為為一位同事farewell ，所以佢要求食先至嚟食。但係先講價錢，埋單一個人都要差唔多＄200，價錢來講就真係太貴。再講講質素 兩位同事不約而同咁樣就叫咗牛扒餐。 餐配上薯條，沙律菜，主食。牛扒薄切，份量中等。味道係比一般餐廳好，但勝價比唔夠高。薯條同沙津菜都好一般。反而個豬扒出奇制勝，平時都唔多中意叫豬，硬係覺得會好un。但呢到嘅豬最厚切，但肉質恰到好處，又不會乾身。配上薯蓉，吃落更覺心思。老實說，有d係幾好，但又唔算得超好。都係貴得制。