勝博殿日式炸豬排

Open Now

Now Closed

最近睇咗一個日本電視節目，佢每集都會介紹一款食物同有關食法，上星期果集介紹炸豬扒，其8款食法令我大開眼界，阿sir睇完之後不停話要食，《勝博殿》係香港數一數二嘅炸豬扒名店，價錢合理，環境舒適，所以我同阿sir間唔中都會幫襯。［特上級炸豬扒套餐$228］⭐️⭐️⭐️⭐️⭐️第一次叫呢個＂特上套餐＂，用的是沖繩豬，所以價錢會貴少少，但肉質較軟滑豬味亦濃郁，只需灑少少附上嘅沖繩鹽及檸檬汁，便能食到豬扒本身嘅味道，而且炸漿薄脆，好食到難以形容。其次粒粒軟棉有光澤嘅日本米亦要推介一下，幫襯多次水準依舊保持得到，如果胃口好，我都想添多碗。［香脆炸豬扒套餐(L)$178］⭐️⭐️⭐️⭐️一向叫開呢款＂傳統定食＂，用的是泰國豬，口感比較有些少咬口，但豬味亦算濃，不過呢款豬扒沒有鹽提供，蘸的是枱上大瓶醬汁+自磨芝麻，相比之下，我較喜歡落鹽+檸檬油，因為醬汁太濃杰，會蓋過豬本身味道。後記：1）價錢相比巜丼吉》真係平好多，但質素絕對唔輸蝕。2）如果每人叫一個套餐，漬物、麵豉湯、椰菜同白飯都可以免費任添，包你可以食到飽。3）如果order其中一個＂特上套餐＂，便可追加沖繩鹽，咁就可以食到所有食物最原始嘅味道。4）$50一個印花