Urban United Burger & Bar (Closed)

扭計中的男朋友要求食漢堡，於是我地就嚟到呢間裝修同呢條街道完全唔襯嘅特色店。入到去我已經俾佢七彩繽紛嘅餐牌所吸引。因為我自己食左嘢，所以淨係嗌左杯飲品。而男主角就嗌左個漢堡包餐。漢堡配啤酒係佢嘅堅持，所以唔少得啤酒。漢堡包嘅牛肉都好多汁，麵包都算新鮮軟綿綿唔會擺太耐而硬掘掘，薯角都外脆內軟，唔會炸過龍。唯獨個份量細左啲，食完佢話仲想出去買其他咁食。而我最不滿係杯蜜桃茶，唔甜之餘苦苦地，唔個係個茶太濃定係蜜桃汁壞左。就咁一個餐兩杯飲品都$230，食完唔飽嚟講其實都真係一般般。而佢間餐廳雖然裝修得好靚，但好多蚊同烏蠅仔飛飛下，好煩擾下，可能清潔方面要做多小小。