世華餐廳扒房 (Closed)

夜晚仲要鑽地，真係無哂心機，但為兩餐走唔甩，只有死頂﹗去了都有成四五年無去既世華扒房食個晚餐，諗住對自己好0的食下扒，要了個西冷扒餐﹗紅湯味道適中，酸中有甜，蔬菜亦多，唔錯﹗等左大約十分鐘左右就有扒食，西冷都算幾厚切亦大塊，蒜蓉汁做得偏淡，牛亦是一般扒房經鬆肉粉處理過的味道，牛味不濃，扒上仲有條大筋，差0的切唔開。反而驚喜在佢個我本身諗住唔食既意粉上，意粉煮得有彈性，食完件扒之後撈意粉在蒜汁鐵板上，難得地味道恰到好處，最後雖然飽都食鬼哂，可知一二﹗60蚊有扒有湯有意粉，價錢正常了吧，味道唔會有咩驚喜，不過簡簡單單一個人吃飯，沒有太多要求又知道這兒是吃舊式扒房味道的話，可以接受的﹗