大鍋口海鮮火鍋店

Open Now

Now Closed

最近發現咗一間好嘢，大鍋口任食火鍋，一次過滿足你兩個願望又有任食火鍋同埋雞煲！雞煲方面，我哋揀咗大辣，食呢啲香口嘢冇辣真係搞唔掂，做得幾好，除咗辣椒本身嘅辣味之外，亦都有其他香料味。不錯！配料方面除咗基本嘅肉類之外，亦都有白鱔脆肉鯇等等，先講牛肉，牛肉係有啲料到，除咗牛味香濃之外，質感亦都唔會話太硬，呢個價錢有咁嘅牛肉我覺得合格！海鮮方面亦都幾新鮮，Even我哋差唔多臨收舖先去，都睇得出唔會係唔新鮮特別推介白鱔片，去骨基本上幾乾淨，所以唔係太食到有骨嘅朋友亦都可以試吓！價錢包咗任飲汽水同埋茶，另外如果想飲啤酒嘅話，亦都可以加錢，但係今次我哋揸車嚟就冇得飲酒了✅