存在與茶

Open Now

Now Closed

今日同朋友經過K11 Musea 見到有一間好可愛嘅熊仔冰茶🐻佢話自己用嘅茶葉係Rolls-Royce車主級中國靚茶，本身我自己超級鍾意飲茶，所以就試吓佢🍵存在與茶原來係Glassbelly的副線，Glassbelly本身賣高級茶葉，有齊農藥測試仲要部份產品直送歐洲檢測💫🌱古樹白茶 $68店員推介我呢款有消炎作用可以幫助喉嚨痛嘅茶，啱我最近食咁多熱氣嘢。首先有半杯茶，跟住佢落超得意嘅熊仔冰，會再倒啲茶落去一路睇住熊仔溶🙈唔係剩係得個樣cute，飲落茶味非常特別仲有回甘。🍵重焙慧苑坑水仙Gelato $128有兩小球分別兩種口感，一個係好smooth，另一個係有打碎茶葉係入面。因為重焙所以茶味比白茶香濃，回甘更重。我自己鐘意有碎茶葉嗰款增加口感同強化茶味。