金水壽司 (Closed)

我都唔明點解門口仲會有人排隊...人就是羊群心態...見開左係元朗...未試過,就入左去..點知成肚氣出黎...坐左係迴轉吧枱....條壽司帶轉得勁慢...所以叫樓面寫單,希望可以快少少...叫左2客三文魚壽司1客熟蝦壽司燒牛肉定食蕃薯天付羅因為太慢,我同落單位阿姐講可唔可以快少少..佢回答我壽司想快係迴轉帶到拎,但我坐左成15分鐘睇住佢轉都唔見有呢兩樣囉...14:20落單....啲野到14:40先始黎先黎左2客三文魚壽司同1客熟蝦壽司...都唔知佢地有冇常識...係人都知生同熟要分開...佢兩樣野同我放埋一碟...梗住再等多8分鐘左右黎左燒牛肉定食...D飯硬到好似隔左幾日咁...牛肉還可以啦..唉.....當時我老公已經超嬲...我就想寫意見書...但睇晒成日鋪頭都唔見有意見箱囉...已經好想走,但仲有個蕃薯天付羅未黎...想搵樓面催..但啲人唔係HEA 緊就好似睇唔到我咁,揚左一陣手先黎...呢啲咁既態度都收加一..總共等45左分鐘蕃薯天付羅先黎...我同我老公拿拿聲食完走人..無蕃薯味既蕃薯..埋單仲要$198超級不值..呢個價錢係元朗多的是食到飽,新鮮的日本餐廳...