九雲居 (Closed)

銅鑼灣就去得多，跑馬地雖然近但就少啲去，難得來到就要覓食下天氣開始熱午餐就揀左東南亞菜九雲居，外觀同裝修真心好有風味充滿馬來西亞餐廳/茶室feel，燈飾最正，而又暗暗地加返啲氣氛，相當唔錯午餐都係星馬泰菜為主，急不及待試吓佢勞蘇食推介 —— 海南雞飯，擺盤靚，雞肉呈微粉紅色，通常係浸到啱啱熟先會粉紅色試吓，肉質好嫩滑，完全係熟度剛好既感覺，仲有肉汁，肉質又有口感，新鮮雞既彈牙完全唔肥，好難得醬汁偏泰式，雞醬飯一啖食晒就係滿足相當高質，雞肉質係超班，白蘿蔔湯正常小食香茅雞翼，好吸引既樣，一食都有香茅香，惹味好多肉，肉質都係好滑好嫩，好好味睇黎依度整雞係有一手娘惹喇沙摻摻，「掺掺」就係馬拉語既「雜錦」，通常就係娘惹茶/星馬茶食湯麵時，食米粉加油麵，今日既喇沙掺掺，賣相好正，湯好濃米粉同油麵雙重口感，鍾意食係幾得意既，都好吸湯好味餸料既魚皮頭、魚丸，好有風味，特色既半熟蛋超好味泰式紅咖哩魚餅，好泰咁，開頭驚會太辣但又唔係，香而好味，飲返兩杯特飲，冷萃水果茶，淡而清新，配辣野好啱青檬梳打味道適中，相當唔錯食物好味，而風味十足，最重要係個feel一百分💯，過咗一個南洋風情既下午#直情想外賣多一隻