呂錦記手撕雞專門店 (筲箕灣道)

Open Now

Now Closed

呂錦記，手撕雞專門店，專做外賣，望到店入面個櫃放左啲雞同蒸籠，相當吸引😍手撕雞款式都好多，原味、麻油、五香花生、川辣、香辣、仲有印度魔鬼、西域孜然依啲特別味道，亦有古法水晶雞🐓淨係食雞都一定唔會無新意👏🏻👏🏻香辣手撕雞，包裝好靚，打開就即刻聞到好香，同埋份量好多，比起市面上其他手撕雞黎講明顯多👍🏻手撕細細舊咁，口感好好，痴滿香辣醬汁同芝麻，好好味🤤完全無油膩感，雞味濃而且食得出個底味都好正，所以唔食辣既朋友都會好味🫶🏻愈食愈想食，好爽既感覺😆蟲草花水晶雞，錫紙包住，一打開有啲蒸氣，好香既雞味🐥好多蟲草花，忍唔住即刻拎隻雞髀食，哇一聲，滑到呢🥹超超嫩滑肉質，雞髀入面都好多肉汁，肉味/雞肉味超濃，非常之原汁原味既感覺，好好味💓開埋啲胸肉同其他雞肉，無髀咁誇但都好滑好食，好入味，雞肉可以點返啲雞汁食，好正💯最後驚喜係，食完咁濃味既雞，手撕雞仲要係香辣，竟然無好口渴或者好想飲水既感覺😳證明真材實料！👍🏻必定返食💟