金羅寶韓國料理

Open Now

Now Closed

一餐完滿嘅料理係需要有前菜、主食同甜品。金羅寶韓國料理係一間比較傳統嘅韓式餐廳，我哋一坐低，未嗌嘢食就擺咗幾碟前菜小食嚟，有 #泡菜 、 #蘿蔔 、 #芽菜 、 #小魚乾 等等，喺香港而家嘅餐廳有前菜真係少之又少。之後嗌咗個 #韓式牛肉什菜炒粉絲 同 #鮮蠔石鍋雜錦飯 ，兩碟賣相其實算普通，味道嚟講都尚算不過不失。粉絲比較硬身，如果腍啲會好少少；石鍋飯嘅蠔仔都算多粒，但可惜無飯焦，整體兩碟菜式算過得去。食到最後，侍應好有禮咁問雪糕要咩味道，估唔到有前菜之餘，仲有甜品食，一餐好完滿嘅晚餐！如果食辣嘅朋友，可以叫佢俾一碟仔韓式辣椒醬，用嚟送飯都好可口啊～