Video
Read full review
2021-12-15
68 views
又到一年一度我最最最期待既十二月！因為係聖誕節啊～🎄🤗 今次二訪尖沙嘴既Whatever Bar，並且超榮幸有機會食佢地個限定聖誕menu 🎅 食飯之前，侍應送咗兩個超可愛 超應節既頭飾卑我地，一個鹿角🦌，一個聖誕帽聖《🍾聖誕套餐 $538/person 》(已包括一人一杯紅酒/白酒🍷)🔹Appetizer - 香煎帶子意大利餛飩| ⭐️: 3.9/5足足有四隻義大利餛飩 🤓 我同朋友一人兩隻，作為starter 都幾滿足✌🏻蘑菇汁配上豬肉餡料既餛飩，熱辣辣又飽肚。 香煎帶子外脆內軟，煎得啱啱好👌🏻 魚子醬對狸貓黎講略鹹，不過由於今次都係我第一次食… 所以好難評價佢好唔好🤣🔸Appetizer - 溫室青瓜蕃茄火雞胸他他| ⭐️: 3.6/5味道酸酸甜甜 相當開胃🤭 青瓜配番茄令成個他他都好清爽 🍅 他他入面亦有雞胸肉，balance返整體口感。整體而言，狸貓覺得唔錯，不過朋友就麻麻個沙律醬，如果怕唔啱味就推薦揀返栗子湯🔹Soup - 栗子忌廉濃湯 | ⭐️: 4.4/5初頭我同朋友都以為係雜菌湯，結果飲落發現係栗子湯🌰‼️ 一開頭我地兩個都覺得比較淡味，唔算話特別好飲…不過！我地兩個一直認為
又到一年一度我最最最期待既十二月！因為係聖誕節啊～🎄🤗 今次二訪尖沙嘴既Whatever Bar，並且超榮幸有機會食佢地個限定聖誕menu 🎅 食飯之前，侍應送咗兩個超可愛 超應節既頭飾卑我地，一個鹿角🦌，一個聖誕帽聖
《🍾聖誕套餐 $538/person 》
(已包括一人一杯紅酒/白酒🍷)
🔹Appetizer - 香煎帶子意大利餛飩| ⭐️: 3.9/5
足足有四隻義大利餛飩 🤓 我同朋友一人兩隻，作為starter 都幾滿足✌🏻蘑菇汁配上豬肉餡料既餛飩，熱辣辣又飽肚。 香煎帶子外脆內軟，煎得啱啱好👌🏻 魚子醬對狸貓黎講略鹹，不過由於今次都係我第一次食… 所以好難評價佢好唔好🤣
🔸Appetizer - 溫室青瓜蕃茄火雞胸他他| ⭐️: 3.6/5
味道酸酸甜甜 相當開胃🤭 青瓜配番茄令成個他他都好清爽 🍅 他他入面亦有雞胸肉，balance返整體口感。整體而言，狸貓覺得唔錯，不過朋友就麻麻個沙律醬，如果怕唔啱味就推薦揀返栗子湯
🔹Soup - 栗子忌廉濃湯 | ⭐️: 4.4/5
初頭我同朋友都以為係雜菌湯，結果飲落發現係栗子湯🌰‼️ 一開頭我地兩個都覺得比較淡味，唔算話特別好飲…不過！我地兩個一直認為越飲越好飲👍🏻 仲要係有D上癮咗佢個栗子既甜味。可能因為栗子湯平時真係無咩點見過飲過，所以都幾驚喜同特別既味道 🤩
🔸Pasta -加拿大海膽三文魚籽手工闊條麵 | ⭐️: 4.6/5
近排唔少西餐廳都超興海膽意粉、仲要收成$2xx碟🤭 但如果嗌呢個聖誕套餐，佢就已經包埋個加拿大海膽意粉🍝性價比都算係咁～ 手工意粉口感煙韌，配上甜甜海膽汁 👍🏻 重點嚟啦，個海膽究竟好唔好食呢？狸貓一向對係香港食到既海膽有偏見(又苦又腥🥲）不過呢個完全唔會！反而鮮甜又creamy，改正咗我一向對海膽既恐懼😉 希望餐廳完咗聖誕都可以將個海膽意粉放落後regular menu 📖 等大家除咗聖誕之外都有機會試 ❤️
🔹Main Course - 砵酒燴M5 和牛面頰肉 | ⭐️: 4.2/5
由於狸貓唔食牛，所以轉述朋友食後感： 和牛煮得啱啱好，唔會太生，但都唔會太鞋口。 我朋友係唔太鍾意酒味，佢都話個汁得甜味，唔睇menu 都唔知原來用酒嚟煮 🍷 狸貓試咗伴碟嘅薯蓉，成個course 都好有份量😝
🔸Main Course - 燒原隻龍蝦及盲鰽魚配蒜蓉香草牛油汁 | ⭐️: 4.4/5
龍蝦好厚肉🦞 鋸扒我聽得多，鋸龍蝦肉又有無聽過 🤣 唔好睇隻龍蝦好似細細隻，狸貓我都分咗4-5份先可以完完全全食得晒🔪 魚肉就非常軟身，都唔洗點切就可以食，重點係佢索晒D 牛油汁，好鬼邪惡 好鬼好食 😈
🔹 Dessert - 法式千層配雲呢拿雪糕 | ⭐️: 3.6/5
千層酥皮好似兩層餅乾多過酥皮😂 對甜品有一定要求既狸貓覺得佢地有進步既空間💪🏻 Feedback 咗我既意見卑佢地，佢地都話會繼續研究點整得好食D
🔸Dessert - 朱古力心太軟配雲呢拿雪糕 | ⭐️: 4.0/5
心太軟好難唔好食🍫 焗到外脆內軟，配上超凍既雪糕🍦係成餐最完滿既closing～
—————————————————————
整體而言，狸貓覺得今次既聖誕餐體驗非常滿足💯 第一次嚟食已經覺得佢地食物質素唔錯，今次二訪好似比上次更加加分✨ 呢個價錢，聖誕時節可以食到海膽/龍蝦/和牛，狸貓覺得已經超值得 👍🏻 狸貓我食完個意粉基本上已經7成飽😧 食晒成個meal 差唔多95% 🤧 平時勁大食既我都咁，真係唔需要擔心食唔飽～另外一點，餐廳位處於尖沙嘴地段，食完Christmas Meal 仲可以同另一半/朋友/屋企人去睇燈飾🥰
👉🏼 碌向右睇詳細MENU，聖誕時節24-27 DEC 限定供應。有興趣既朋友快D 去Openrice Book 定位啦 😌 咁抵既set meal 真係手快有手慢無
Post
