微酵烘焙 (Closed)

今日同同事lunch Time要去睇衫shopping，冇時間食飯，見到有包包食，聞到啲包包好香，不如買包包食啦。呢度真係有好多款式嘅包包。有唔同款式味道嘅鬆餅。爆漿珍珠軟歐，咬開裏面真係有珍珠，第一次食包好似飲緊珍珠奶茶咁。金磚火腿芝士，食落有好濃嘅芝士香味。少女心之戀，士多啤梨味同朱古力味真係好夾㗎。囧囧之胖，呢個髒髒包，好似塊面咁大，裏面有紅豆吉士，面頭鋪滿綠茶粉，正！呢度仲有珍珠奶茶飲，珍珠奶茶有忌廉面，好creamy，好幸福！甜芝士奶蓋極濃日式抹茶，好大杯，仲要一層層，可以慢慢享受奶蓋同抹茶嘅味道。