Cafe Okay (Closed)

因為在上環上班緣故，所以經常同同事四圍試上環嘅餐廳~今次同同事去咗信德中心一樓美食廣場呢間曾cafe okay !呢間餐廳平時都幾爆，lunch好多時都無位，今次專登星期一嚟終於有得食了。其實餐廳唔算大，目測大概有40個位左右，位同位其實都窄..講番餐廳，餐廳叫Café Okay，主打burger，同時佢亦都提供set lunch, 早餐同常餐，價錢喺$50至$80左右，價錢唔算貴。Burger 方面都有幾多選擇，牛肉啦，雞、素、海鮮蝦、蟹、等等都有，今次叫咗主打Okay burger $50，另加$20 要甜薯條配飲品。過咗10分鐘左右，okay burger 終於上場喇! 好大一份。個餡有牛肉，蛋、煙肉生菜同芝士牛肉好厚身，係普通老麥漢堡包件肉嘅3倍厚度，煙肉如果可以煎脆啲仲正!其實如果女仔嚟講lunch要完成一個burger根本無可能..所以通常我就會同同事share 再加一份甜薯條~另外，仲有炸甜薯條，大家可以自己去自助BAR自己攞醬料。都幾surprise 係，呢度竟然有honey mustard醬，太幸福喇甜薯條一杯，份量其實都已經好多!!  點住honeymustard醬