名峻會 (莊士倫敦廣場)

Open Now

Now Closed

餐廳位於莊士倫敦廣場13樓，由佐敦地鐵站Ｄ出口行大約２分鐘就到，非常方便。一入到去就見到兩張美式桌球檯，而麻雀檯就有獨立房間，私隱度高，就算同雀友玩得太興奮都唔怕吵襯隔離另外重有啲大大間嘅party room可以唱K，有啲房甚至有獨立洗手間，全部設備都好新淨企理。職員熱情友善，我哋今日兩個人嚟到，都有得包廂，環境寬落舒服名峻小炒王 $108材料有韮菜、蝦乾、魷魚同腰果等，即叫即炒，鹹香惹味，鑊氣十足，無論就咁食定送飯食都咁正。欖角骨 $108睇openrice見好多人推薦呢個欖角骨，果然冇介紹錯！醬汁香甜開胃，帶有陣陣嘅欖角香味，排骨本身有炸過，外層香脆，肉質軟腍，好正好入味！椒鹽豆腐 $58又係熱辣辣新鮮送上，炸皮夠薄夠脆，中間嘅豆腐嫩滑有豆香，加埋啲椒鹽，梗係冇得輸蒜香牛柳粒 $68啲牛柳粒本身都靚，肉質軟嫩，有牛味，簡簡單單加啲蒜粒煎煮已經好好食。