Video
Read full review
2014-01-26
490 views
每逢過年，好多餐廳都力谷盆菜，無他嘅，因為盆菜市場大嘛。有啲人食團年飯怕出去同人逼，又怕被人鋸，又唔想煮餐懞，一個大盆菜，加一兩味小炒，煮啲飯，就夠十個八個人食；又或者晌過咗年食開年飯，出面好多鋪頭都未開爐，市況冷清，索性訂啲盆菜圍住一齊食，夠氣氛 。所以，漸漸越嚟越多人晌過年期間訂盆菜食。曼谷泰菜依間泰菜館亦唔例外，都應應節推出「泰式風味招財進寶盆菜」（6位用），早前無耐先嚟過幫襯，依晚，又有幸出席跟一眾食友提早做節食團年飯，首嚐依個泰式盆菜 。其實所謂「泰式盆菜」都只喺晌我哋食開嘅盆菜，加入「泰式」食材元素，例如：泰式豬手、泰式扎肉、泰皇貴妃雞等等，其他材料，都喺傳統中經常見到，包括原隻飽魚、大蝦、蝦丸、冬菇、蠔豉、鴨掌、西蘭花、黃金鴨，以及墊底嘅炸芋頭、蓮藕，一共13樣食材，可謂非常豐富，當中不乏用料矜貴 。暫以好意頭優惠價$668推出，供應期至2月13日（需3日前預訂，於分店自行取貨），而且仲可以用$58加配原價$88嘅泰式甜品拼盤，貪新鮮又想今年轉轉口味，不妨訂番個試試 。雖然個盆菜話6位用，但其實份量都幾十足，拎上手都幾重架，多幾個食都仲夠。拎到返屋企，加入隨盆菜附
其實所謂「泰式盆菜」都只喺晌我哋食開嘅盆菜，加入「泰式」食材元素，例如：泰式豬手、泰式扎肉、泰皇貴妃雞等等，其他材料，都喺傳統中經常見到，包括原隻飽魚、大蝦、蝦丸、冬菇、蠔豉、鴨掌、西蘭花、黃金鴨，以及墊底嘅炸芋頭、蓮藕，一共13樣食材，可謂非常豐富，當中不乏用料矜貴 。暫以好意頭優惠價$668推出，供應期至2月13日（需3日前預訂，於分店自行取貨），而且仲可以用$58加配原價$88嘅泰式甜品拼盤，貪新鮮又想今年轉轉口味，不妨訂番個試試 。
雖然個盆菜話6位用，但其實份量都幾十足，拎上手都幾重架，多幾個食都仲夠。拎到返屋企，加入隨盆菜附送嘅原汁原味醬料慢火煮滾後即可食用。當然，筷子、匙羹及紙碟俾埋你，食完唔使煩乾手淨腳無煩惱 。一眾材料排列有序，汁底一滾起，我哋就急不及待起筷「搵食」：泰式豬手 - 睇落幾肥，估唔到食落又OK，外皮肥而不膩，肉質炆得軟腍，甚有食元蹄嘅感覺；
泰式扎肉 - 扎肉柔軟中有少少咬勁，無話特別好食，都唔錯；
泰皇貴妃雞 - 食落雞肉非常嫩滑，甚有水準；
原隻鮑魚 – 都算大筆喇，飽魚夠大隻有睇頭，鮑味不俗，有咬口；
蝦丸 – 無試；
冬菇 – 冬菇幾香菇味；
蠔豉 – 蠔豉唔喺好大隻，但都煮得入味；
鴨掌 – 無試；
西蘭花 – 無試；
黃金鴨 – 無試；
炸芋頭 – 芋頭先炸過再煮，唔易散，入口粉香；
蓮藕 – 好爽脆，經醬汁浸透，特別濃香。
深海大蝦 - 有無發覺上面食材無咗啲蝦，無錯，你睇個盆菜都唔見有蝦，因為大廚俾個「驚喜」大家，將啲蝦整咗另一度菜蒜蓉煎炸大蝦，賣相好吸引，大蝦炸過再加入大量金蒜、辣椒煎香，所以份外惹味 。不過，碟蝦喺先過個盆菜拎出嚟，搞到我哋錯以為依碟喺另一道菜！
順帶一提，椰青每個星期都會返兩次貨，貨源新鮮，開店之初賣嘅$45減到依家$38，仲要買一送一 ，真喺抵飲到極。所以小弟都點番個飲，入口清甜天然，椰青肉亦可慢慢刮出嚟食 。
今晚預早同一眾食友團年，飯後又有零食小禮物收，真喺食得有氣氛又開心 。
Post
