Video
Read full review
2019-05-06
65 views
今日假期，約咗阿爸阿媽行街食飯。 佢哋係非常長者， 好奇心超高， 成日都想去試新嘢。我朋友介紹我嚟呢間中環小餐廳， 就喺中環中心斜對面，佢讚啲印度菜幾好食！個餐牌都好有份量，幾乎所有香港人講得出嘅印度菜都包含咗。有印度燒烤菜(tandoori)、 特色菜、特飲、湯同埋小食。淨係咖哩都有十一款做法， 另外素食菜式亦有14款！仲有印式中菜、飯、飽同埋甜品……我哋叫咗幾款分嚟食，好快一盤盤熱騰騰嘅食物陸續出場！！！▪薯蓉咖哩角 (Samosa)炸得熱騰騰， 裏面塞滿咖哩味嘅薯蓉同雜菜， 香脆唔油膩。配埋三色醬( 薄荷乳酪, 辣醬, 酸甜醬)， 又好睇又好食！▪奶油咖哩雞 (Chicken Makhani)唔知點解，老豆好主動話要食呢個， 見到餐牌上面都話係廚師介紹， 咁識貨？！ 好， 試試就知！結論係: 非常十分好食！ 雞肉醃得夠味，肉質滑嫩， 醬汁嘅香料味濃郁， 夠creamy！ 等陣要嗌啲烤餅夾住食！▪ 馬鈴薯椰菜花 (Aloo Gobi)因為奶油咖哩雞係濃味菜， 我就叫咗呢個較為淡口啲，平衡一下！ 呢個係印度北方菜(旁遮普)，aloo係薯仔，gobi係椰莱花。 啲薯仔同椰菜花煮得淋甜，
我朋友介紹我嚟呢間中環小餐廳， 就喺中環中心斜對面，佢讚啲印度菜幾好食！
個餐牌都好有份量，幾乎所有香港人講得出嘅印度菜都包含咗。
有印度燒烤菜(tandoori)、 特色菜、特飲、湯同埋小食。
淨係咖哩都有十一款做法， 另外素食菜式亦有14款！
仲有印式中菜、飯、飽同埋甜品……
我哋叫咗幾款分嚟食，好快一盤盤熱騰騰嘅食物陸續出場！！！
▪薯蓉咖哩角 (Samosa)
炸得熱騰騰， 裏面塞滿咖哩味嘅薯蓉同雜菜， 香脆唔油膩。
配埋三色醬( 薄荷乳酪, 辣醬, 酸甜醬)， 又好睇又好食！
薯蓉咖哩角 (Samosa)
$48
7 views
0 likes
0 comments
▪奶油咖哩雞 (Chicken Makhani)
唔知點解，老豆好主動話要食呢個， 見到餐牌上面都話係廚師介紹， 咁識貨？！ 好， 試試就知！
結論係: 非常十分好食！
雞肉醃得夠味，肉質滑嫩， 醬汁嘅香料味濃郁， 夠creamy！ 等陣要嗌啲烤餅夾住食！
奶油咖哩雞 (Chicken Makhani)
$118
13 views
0 likes
0 comments
▪ 馬鈴薯椰菜花 (Aloo Gobi)
因為奶油咖哩雞係濃味菜， 我就叫咗呢個較為淡口啲，平衡一下！
呢個係印度北方菜(旁遮普)，aloo係薯仔，gobi係椰莱花。 啲薯仔同椰菜花煮得淋甜， 混埋香料， 加上蕃茄同芫茜，格外提鮮！
馬鈴薯椰菜花 (Aloo Gobi)
$88
6 views
0 likes
0 comments
▪ 蒜蓉烤餅 (Garlic Naan)
侍應哥哥(好有禮貌)提議我地試吓廚師推介嘅蒜蓉烤餅。
果然好味！ 個烤餅係廚房收到order之後即做㗎， 當然熱辣辣啦，微微蒜香，好有咬口！
我哋食完一份(4件)， 意猶未盡， 即刻再order多一客！
蒜蓉烤餅 (Garlic Naan)
$30
12 views
0 likes
0 comments
睇相就明， 全面"光盤行動", 所有食物一件不留！
老豆抹緊咀嗰陣問我， 幾時再過嚟食個set dinner？！ 絕冇問題，只要你喜歡！
Post
