包販子 (Closed)

啲人話食包包食飽，今日就去試下包販子自家製包包！舖頭外形比較日式，仲有少江戶時代味道，玩味搞鬼裝修，氣氛感覺年輕又輕鬆。門口有大量玩具擺設，而且相信大部分都有一定年紀。 除咗擺設，唔難發現嘅，仲有喺餐牌同埋牆上面都會見到，貫徹到尾好可愛嘅肥仔插畫。 鋪頭名都叫得做包販子，第一樣就梗係叫包啦！佢哋自家製嘅麵包口感非常特別，睇落去似係實的的嘅包，點知一啖咬落去，空氣感好重，完全唔似食緊麵包。中間夾住嘅係足足完整一隻軟殼蟹，加埋牛油果同埋生菜一齊食，可以平衡返個油膩感。意粉一上到枱面，就有一陣青醬味飄埋嚟，非常吸引。羽衣甘藍係有調過味炒過嘅，有少少牛油味，松子都有爆過先灑上面，味道唔錯。呢個雞軟骨比一般食開嘅細粒，所以唔會好似平時食雞軟骨咁，咬到牙都攰都未食完一碟。 飲品就大大隻字寫係牆上面，大部分飲品都清清地，簡單簡單。本身以為杯梳打實係普通嘢，但係飲飲下發現杯嘢飲都幾真材實料，裏面充滿着真果肉，梳打同果汁嘅比例非常好，唔會太酸又唔會太甜。整體黎講，呢到位置同環都幾好，鄰近馬路可以泊車，座位枱櫈亦都適合一家大細，唯獨食物種類唔多，但質素唔錯，價錢都好合理！