Urban Bakery (Closed)

每個週末都會喺呢間超市行下，買下，最後都唔少得食個包。行過貨架都會聞到陣陣包香，又點能唔令為食鬼上身呢？佢哋嘅麵包都係新鮮出爐，離遠都已經香返人流口水。有好多唔同種類，而最令人興奮嘅當然係啲牛角包！而且成日都會做買二送一嘅優惠，仲有唔同嘅口味選擇好多，朱古力味係我至愛，其次係爆牛。朱古力味嘅牛角包除咗出面鋪滿朱古力之外，連佢嘅入面都係滿滿嘅朱古力醬，好邪惡㗎！超正～除咗牛角包，泡芙都係必食，雲尼拿、杏仁朱古力、可立克同抹茶味。杏仁朱古力泡芙出面都係滿滿嘅朱古力醬，入面啲啲cream 係重朱古力輕杏仁味，一啖咬落去勁滿足！