秀韓國餐館 (Closed)

今晚約了朋友食餞行飯，食完呢餐要一年後見啦！因為其中一位朋友要係食飯後趕去附近上堂，所以我地一行人黎左韓國街搵食。一開始要等半小時先可以入去，實在有點耐！入到去，我地就開始揀野食啦，無叫部隊鍋，但見到人地食緊，都幾值得⋯⋯⋯影相既，食就唔值啦！我地叫左2個雞石頭鍋飯，1牛石頭鍋飯，1碟豬肉炒年糕，1碟豬肉粉絲，再加芝士雞蛋卷。先黎前菜，之前睇到食評話菜無咩味，我覺得還可以接受，近睇可以見到有蒜調味，較鐘意食醃青瓜同埋泡菜。石頭鍋飯無咩特別，$88一個，比food court裡面既韓國野貴，但質素差不多，不過不失！豬肉粉絲同炒年糕，本身朋友想當正餐食，但發現豬肉仲多過粉絲/年糕有點失望！最唔好食係芝士雞蛋卷，諗住食芝士加雞蛋無咩伏啦，點知⋯⋯一食落去，雞蛋無咩野，芝士就鹹到苦！真係好苦，不能接受，但因趕時間就唔換了。最後想提一下侍應服務態度，佢地係我地未食完枱面既食物之前，就已經收哂我地既餐具，趕時間、多人都唔使咁下嘛仲要收加一，服務從何來？下次唔會再黎，一次就夠。