北京水餃店 (Changed Hand) New Restaurant

係尖沙咀行完街就諗住係附近搵嘢食，結果行完成條韓國街都揀唔到有咩心水，最後望去對面馬路，就見到呢間北京水餃，見未食過就入去試下啦。店內都幾多人食，而餐牌除咗有水餃之外，亦有麵條、飯等等羊肉大蔥餡餅外脆，而內裡亦有肉汁，咬落軟淋淋味道唔錯。水餃雲和吞雙拼水餃皮身較厚，內裡包著豐富肉汁嘅餡料，肉菜比例適中，食完都幾飽肚。東坡肉麵湯式濃香，麵條彈牙非常好食，而東坡肉都唔錯真係好肥。最後飲埋凍豆漿真係爽yy 。