湘湘娘娘 (Closed)

餐廳地址位於北京道，距離地鐵出口大概5分鐘路程，行過去非常方便，去到樓下按8/F便可以到達🤣🤣🤣 我同朋友今日係過嚟食lunch，同店員confirm咗Booking之後就可以入去，非常方便，午餐時間都非常多人，如果大家嚟嘅時候不妨book位！餐廳位置非常開揚，同家人或者朋友嚟聚餐非常好，餐廳望出去仲有一個靚景，好好彩店員安排咗我哋坐窗口位，可以望住個靚景食lunch，非常唔錯😝😎😎😎 望住呢個景食飯，真係喜出望外！冇諗過呢個位置都可以望到！簡直係bonus！🤣🤣小食我哋叫咗香椒皮蛋，皮蛋外層嘅口感糯糯，入口就非常滑嫩，再加上香椒本身嘅辣味，口感做得十分豐富。香辣醬汁中嘅香椒味都算係幾濃郁，加上適量嘅辣味調味之下，令呢一個皮蛋更加好食！食完呢一個餸之後亦都非常開胃！ 另外想推介一下砂鍋津白雜錦湯！一嚟到熱辣辣嘅砂鍋，冇諗過成個湯係咁大！份量非常足料，入邊仲有爽口彈牙嘅墨魚丸同埋貢丸，多到差啲食唔晒！另外佢嘅高湯係用雞湯熬製而成，絕對冇任何味精，我哋飲咗幾碗湯都絕對唔會覺得口渴，令人非常覺得驚喜！津白亦都吸收晒雞湯嘅精華，忍唔住食完一件又一件！呢一個湯絕對抵食，好彩我哋最後有叫！😀😀😀😀