米子燒肉家

Open Now

Now Closed

北區近排都開設咗唔少單點燒肉店，有放題嘅又好似比較少，行過幾次依間鋪頭一直都冇試過，今晚見有位可以即入就膽粗粗入去試下，鋪頭可選單點/放題。今次就揀左放題。入去鋪頭第一親感覺環境乾淨 座位闊落，值得一讚。入坐低就先上一碟大份嘅拼盤，質素唔差，基本放題部位都有依到就叫牛十品 整體有肉味同林身。之後開始逐碟逐碟叫肉類，好多肉都係片上好少一舊舊，加上明顯切得太簿身好容易搶火同燒濃。依方面就差少少。雞翼冇乜味要自己落鹽再叫左一份海鮮類有三文魚腩魷魚青口多春魚，有驚喜份量多食落都有鮮味。海蜇沙律味道唔錯酸酸甜甜。一般放題店都有嘅蔬果菇類都新鮮。飲品就⋯放題黎講算少得可憐一眼睇哂 唔夠十種。小食類又係冇乜一般放題有嘅螺肉八瓜魚，呢度都係欠奉。但有冷麵冷烏冬，今之就冇食到。最後店員服務態度殷勤，上菜收碟速度放題黎講算快。埋單每位$248加一（我哋就冇加到$128升級），燒肉放題黎講算平，CP值都算中規中矩。