Video
Read full review
2022-02-14
441 views
趁週末外出逛街，理所當然嚟到香港中心地帶——旺角區。-餐廳位於朗豪坊附近，地理位置一般，唔難搵，餐廳面積小，座位小，二人限聚下令餐廳入座率約四至五成，無人等位。餐廳係中式設計，黃燈下木枱配圓木凳，有風味。-餐牌餃子類選擇多，有煎餃同水餃，同時供應麵類同小食，唔單調，有素食選擇，更有新豬肉餃子，值得一讚。午市套餐嘅餃子選擇較少。-芝麻醬拌麵套餐 $49套餐有拌麵、青瓜小食、飲品。拌麵有冷熱選擇，揀熱食。拌麵份量多，有雞蛋一隻開半、青瓜絲、芝麻醬。拌麵麵質淋，粗身。滷雞蛋細粒，偏硬，冇蛋香，略帶鹹味。青瓜絲多，爽脆，芝麻醬呈稀狀，偏酸，有芝麻香，冇花生味，似平時撈沙律同火鍋嗰隻台式芝麻醬，整體而言欠特色，失望。小食係拌青瓜粒，少少蒜香，唔酸，唔辣，帶鹹。飲品揀熱豆漿，有豆香，唔太甜，好飲。-粟米豬肉餃 五隻 $31鮮肉冬菇香菜餃 五隻 $37鮮肉西洋菜餃 五隻 $31以上均屬單點項目，冇跟餐，餃子大小適中平均。粟米豬肉餃調味較濃，豬肉同粟米比例正常，粟米帶甜，最多汁，好食；鮮肉西洋菜餃菜多肉少，大概係八二比例，勁濃西洋菜味，好食；鮮肉冬菇香菜餃有冬菇同芫荽，完全冇菇香，有芫荽香，勁似酒樓食
-
餐廳位於朗豪坊附近，地理位置一般，唔難搵，餐廳面積小，座位小，二人限聚下令餐廳入座率約四至五成，無人等位。餐廳係中式設計，黃燈下木枱配圓木凳，有風味。
-
餐牌餃子類選擇多，有煎餃同水餃，同時供應麵類同小食，唔單調，有素食選擇，更有新豬肉餃子，值得一讚。午市套餐嘅餃子選擇較少。
-
芝麻醬拌麵套餐 $49
套餐有拌麵、青瓜小食、飲品。拌麵有冷熱選擇，揀熱食。拌麵份量多，有雞蛋一隻開半、青瓜絲、芝麻醬。拌麵麵質淋，粗身。滷雞蛋細粒，偏硬，冇蛋香，略帶鹹味。青瓜絲多，爽脆，芝麻醬呈稀狀，偏酸，有芝麻香，冇花生味，似平時撈沙律同火鍋嗰隻台式芝麻醬，整體而言欠特色，失望。小食係拌青瓜粒，少少蒜香，唔酸，唔辣，帶鹹。飲品揀熱豆漿，有豆香，唔太甜，好飲。
-
粟米豬肉餃 五隻 $31
鮮肉冬菇香菜餃 五隻 $37
鮮肉西洋菜餃 五隻 $31
以上均屬單點項目，冇跟餐，餃子大小適中平均。粟米豬肉餃調味較濃，豬肉同粟米比例正常，粟米帶甜，最多汁，好食；鮮肉西洋菜餃菜多肉少，大概係八二比例，勁濃西洋菜味，好食；鮮肉冬菇香菜餃有冬菇同芫荽，完全冇菇香，有芫荽香，勁似酒樓食嘅牛肉球味道，唔好食。
-
酸辣湯 $19
酸辣湯份量少，配料煲到好碎，隱約見到有木耳、腐皮、豆腐，帶鎮江醋香，辣多過酸，好鹹，飲兩啖就停手，唔好飲。
-
整體而言，店員服務正常，食物選擇多，質素水準唔平均，同區嚟講性價比中上，會再想試其他。唔知係咪疫情關係，餐廳餐具同容器都係即棄用品。
Post
