Video
Read full review
2021-10-11
138 views
大家係咪好掛住日本？好想返鄉下？🥺不如嚟呢間西日cafe感受下氛圍😚hōmu by favilla位於荃灣愉景新城 喺誠品上扶手電梯 就會見到佢哋 除咗荃灣 poly 鰂魚涌 觀塘都有分店 Favilla喺拉丁文原來有sparkling嘅意思✨hōmu就正正係home嘅日文讀音🏠-裝修以北歐同日系簡約風做主題❄️店內寬敞明亮 採用半開放設計 仲設有榻榻米區域 猶如置身於日本一樣☺️佢哋由裝修到食物設計 花咗唔少心思 務求營造「家」嗰種溫暖嘅感覺🥰啲櫈仲有啲似以前中學嘅木櫈🤣-諗好食咩 就可以scan QR code落單 不過我哋研究咗好耐先落到單🤣晚市套餐有意粉/飯 主食 沙律 定食揀 跟餐仲包埋湯 沙律 熱茶/黑咖啡 當晚係麵豉湯 飲落都唔會太鹹😗另外仲有碟番薯球 甜甜地幾好食 番薯蓉入面有粒粒 口感層次up☺️套餐仲可以優惠半價升級飲品🥤-🥩慢煮封門牛柳定食 $138見到好多人都推介🤓牛柳我哋揀咗7成熟 上檯嘅時候 牛柳唔係熟哂又唔會有血水流出嚟 生熟度好滿意🤪牛柳有簡單調味過 面頭灑滿芝麻 蔥 鹽 主要食返牛柳嘅原味😙牛柳有咬口唔韌 底下仲有日式燒汁可以蘸埋一齊食 會多咗份甜味🤤旁邊仲
-
裝修以北歐同日系簡約風做主題❄️店內寬敞明亮 採用半開放設計 仲設有榻榻米區域 猶如置身於日本一樣☺️佢哋由裝修到食物設計 花咗唔少心思 務求營造「家」嗰種溫暖嘅感覺🥰啲櫈仲有啲似以前中學嘅木櫈🤣
-
諗好食咩 就可以scan QR code落單 不過我哋研究咗好耐先落到單🤣晚市套餐有意粉/飯 主食 沙律 定食揀 跟餐仲包埋湯 沙律 熱茶/黑咖啡 當晚係麵豉湯 飲落都唔會太鹹😗另外仲有碟番薯球 甜甜地幾好食 番薯蓉入面有粒粒 口感層次up☺️套餐仲可以優惠半價升級飲品🥤
-
🥩慢煮封門牛柳定食 $138
見到好多人都推介🤓牛柳我哋揀咗7成熟 上檯嘅時候 牛柳唔係熟哂又唔會有血水流出嚟 生熟度好滿意🤪牛柳有簡單調味過 面頭灑滿芝麻 蔥 鹽 主要食返牛柳嘅原味😙牛柳有咬口唔韌 底下仲有日式燒汁可以蘸埋一齊食 會多咗份甜味🤤旁邊仲有個沙律仔 唔使做食肉獸haha😂
．
另外伴碟嗰兩粒野 我原本以為兩粒都係生蕃茄仔 所以打算忽略佢哋😗點知朋友同我講原來青色嗰粒係提子😢後悔莫及啊
．
至於飯佢哋標明係用日本米🍚但係好似唔係用珍珠米 幾特別喎😲好少日式餐廳唔用珍珠米 食落就比較黏 個人比較鍾意粒粒分明嘅飯😗不過上面都加咗啲飯素 所以絕對會食哂成碗飯😝
-
🍝烤香草春雞扒伴芝士大磨菇意粉 $138
個烤雞扒我同朋友都覺得有驚喜🥳首先雞好大塊 係成隻雞髀連埋雞扒 然後雞扒燒到外脆內嫩 有肉汁🤩成塊雞充滿濃郁燒烤味🤤香草入味得嚟又唔會喧賓奪主 至於芝士大啡菇都唔錯😙不過如果芝士再流心啲就更好 至於個意粉食落好creamy😍有蒜香味 但係又唔會太heavy 洋蔥都係甜嘅 好好食😋
-
飲品方面 分別有M同L size揀 兩杯我哋都揀咗M 已經好夠飲😌同埋佢哋咖啡類飲品係比較出名 所以叫咗杯玫瑰latte同埋抹茶鮮奶😚
-
🌹玫瑰鮮奶咖啡 +$23
玫瑰latte會冇拉花🥲取而代之就有幾塊玫瑰花瓣🌹latte好香咖啡味 甘味又啱啱好 飲完成晚個口充斥咖啡香味🤪玫瑰味相對較少 舉杯嘅時候會聞到玫瑰花瓣嘅香味 兼飲到香濃latte味☕️朋友話簡直係嗅覺同味覺雙重享受🤣
-
🍵抹茶鮮奶 +$21
呢杯就有拉花喇😌味道相對普通 飲到有抹茶粉味 杯邊都有啲未溶哂嘅粉 其實係咪抹茶粉味先正常？🤣因為分別喺唔同餐廳飲過都係咁 不過甜度就適中 唔會太苦澀👍🏻
-
總括整體食物質素 環境都唔錯☺️卡位闊落 坐得好舒服 店員好有禮貌 係愉景新城少數嘅黃店💛支持！大家去開嗰邊 不妨可以考慮下～食完仲可以去南豐紗廠行下影下相🤣
Post
