Video
Read full review
2013-10-02
2106 views
尋日(1-10-2013 Tue)起身後,約男友一齊o黎呢間食個lunch,我o地12點幾o黎到,人客都多多地,老闆都熱情招呼幫我o地搵位,唔知'定'o既我o地坐低後,叫o左碟$24.00o既叉鵝飯,老闆應o左我.之後同男友研究叫多兩個點心食,但午市點心唔會有好多款o岩o岩有個後生啲o既女樓面o黎收o野同抺枱,我就問佢有咩o野點心?佢好有禮貌咁答,o衣o家點心款唔齊,有燒賣,山竹牛肉,牛肚咁.我問有冇蝦餃?佢答有.男友就即刻話要山竹牛肉,我就要蝦餃.佢問我山竹牛肉要唔要燒賣,我答唔要燒賣.佢笑住話唔係,唔係,我應該係問山竹牛肉要唔要喼汁?哈哈.佢去拎入o黎喇.我同佢講頭先同老闆講o左要叉鵝飯但未o黎.佢話同我跟.佢問老闆,老闆好迷惘咁答好似有.不過呢位樓面都自己幫我跟.但我仍然見唔到佢o地整,咁o岩另一個年紀大啲o既女樓面大聲問有冇人未叫o野?我就話叉鵝飯,佢話冇鵝只有鴨.啊,真老實.佢又問係咪一碟?我答係.佢就出去整,但有人同佢講整o緊.佢就同我講話呢o度叫一次就夠o架喇,唔使叫咁多次.終於,碟叉鴨飯到o黎,大大碟o架!同時都畀埋錢,我記得點心係$13.00,就畀$50.00個年輕樓
佢去拎入o黎喇.我同佢講頭先同老闆講o左要叉鵝飯但未o黎.佢話同我跟.佢問老闆,老闆好迷惘咁答好似有.不過呢位樓面都自己幫我跟.
但我仍然見唔到佢o地整,咁o岩另一個年紀大啲o既女樓面大聲問有冇人未叫o野?我就話叉鵝飯,佢話冇鵝只有鴨.啊,真老實.佢又問係咪一碟?我答係.佢就出去整,但有人同佢講整o緊.佢就同我講話呢o度叫一次就夠o架喇,唔使叫咁多次.
終於,碟叉鴨飯到o黎,大大碟o架!同時都畀埋錢,我記得點心係$13.00,就畀$50.00個年輕樓面,佢收o左後返轉頭話重欠$2.00,因蝦餃係貴啲.啊,冇問題.
我o地開餐喇,
蝦餃唔係大粒,皮唔係薄,但內裡o既蝦仁爽口,成個味道都屬於正常.男友蝦好正但太少.味道: 3分
山竹牛肉大大件o既,
口感亦鬆軟,可惜味道亦唔多夠,喼汁亦落得太少.味道: 2.5分
而叉鴨飯呢?
真係大碟到要兩個人食呀,重要係唔單只只係飯多,而係餸都多,顏色又靚.食落,叉燒夠甜,有瘦又有半肥瘦,後者固然更好食,但連瘦o既都好食,肉質鬆軟,有機會再o黎可以買啲返屋企食.而燒鴨呢?皮亦都夠味,亦畀o左幾多胸,啖啖肉好味.
青瓜亦清甜,毫不遜色;而飯o既軟硬亦適中,只係甜豉油畀得少.
味道: 3.95分
最後奉上例湯,
係唔知咩o野瓜湯,冇乜味精亦淡淡地,o岩熱氣冇乜湯水o既男友飲.味道: 3.3分
服務:
除o左上面講o既之外,其餘重有老闆主動畀兩個用熱水淥過o既碗仔我o地;亦同我o地講有茶可以自己斟o黎飲.
而最好笑o既係,隔離o既熟客叫o左雞胸飯,個年紀大啲o既樓面拎住碗飯問邊個o既?熟客冇出聲,另一個樓面話佢知係佢o既.佢拎到埋o黎時問個熟客係咪肚餓,餓到冇氣力開聲?然後叫佢畀錢,熟客答唔畀.佢話唔畀就999.我笑一笑,佢都對我笑.之後個熟客同我講佢好巴辣,不過好玩得.哈哈.
o野食唔太差,人情味又濃,點可以唔畀少少o既心意支持佢o地?
Other Info. :
去到記得睇清楚店名,因為佢o地同隔離同一類型o既舖頭好似樣,稍不留神就會入錯,我o地尋日好彩睇住入咋.
(The above review is the personal opinion of a user which does not represent OpenRice's point of view.)
Post
