北海道牧場餐廳 (Closed)

之前見同事買過lee到嘅早餐，心思思想試下，但成日都好多人，所以一直都無去。今日同事話其實好快會有位，唔洗等好耐，所以就碰下運氣啦。果然等左一陣就有，lucky~~叫左個意大利蕃茄餐，其實同北海道餐差唔多，只係個意粉改左做餐肉蕃茄湯底。個湯底好正，好濃蕃茄味！對於唔太好叉燒意粉嘅我，lee個係一個好選擇。不過果2片餐肉就真係唔夠厚，差小小lor餐肉要厚先有口感嘛。我覺得佢d意粉比平時其他餐廳食開嘅幼，對於鐘意幼身意粉嘅我，真係唔錯。建意可以要通粉，因為會掛多d湯！至於多士，外脆內軟，仲有小小牛油幾好幾好。不過個蛋就有d失望，我果個有d太熟，唔係好滑，我比鐘意華星嘅多d。