北海道爐端燒 (Closed)

最近PLAN緊去北海道，見到呢間北海道爐端燒就心郁郁想黎試下。去到餐廳門口就已經聞到好香，入座時見到餐座除左坐位之外，仲會有個AREA係他他米。感覺台有點細放唔到多太野食，座位都比較近同迫，不過香港地方細都無辦法。特上壽司盛　＄１９８每件壽司都有一件，當中我認為最好食既一定係帶子。帶子鮮甜美味，大大粒有咬口，咬左一口真係唔捨得食完。仲有大大隻赤蝦都好甜好大隻。壽司飯細細粒同埋見到師傅已經上左色。豬骨湯拉面　　＄９８湯底幾濃唔錯，但有Ｄ唔似豬骨湯。兩塊叉燒好淋好入味。仲有隻溏心蛋。炸雞　＄６８有５大舊，每次叫炸雞都會驚乾身唔好食。但呢間炸雞做得好好，皮脆肉嫩多汁，雞肉面頭加左燒汁，好食得黎又唔冇令到個皮變淋。炒拉面好普遍既日式炒面，味道唔錯，不過對我黎講淡左Ｄ，豬肉片要改進下，太硬。野菜都可以切細片ＤＤ。整體黎講餐廳評價好高！有機會一定再食。